Cedean toron per la Sellaronda Skimarathon, ruèda te chest 2024 a sia 30^ edizion.
La gran garejèda de schi co la pouses che tocia duta la valèdes ladines dintorn l Sela, en vender passà ai 22 de marz la é pontèda demez da Piaz Marconi a Cianacei e l’à portà i atlec dant sun jouf del Sela, dapò ju a Selva, sun jouf de Frea, ju a Corvara, sun jouf de Ciaulonch, ju a Rèba e tinultima sun jouf de Pordoi e ju de retorn a Cianacei.
No demò na gran fadia de 42 kilometres e zirca 2700 metres de dislivel per la 568 cobies che à tout pèrt a la competizion. Coche conta la maor pèrt di partezipanc do l gran sforz, la Sellaronda Skimarathon l é defat na gran festa de sport e na bela endesfida personèla, per se meter a la proa dal pont de veduda fisich e psicologich.
L’edizion de chest invern la é segur stata manco senestra che autres, ajache la condizions de temp e neif les era da marevea, con na sera nia freida e n bel ciel seren.
De più, coi resultac miores di ladins, su La Usc stampèda de en vender ai 29 de mèrz.
(Thomas Zulian)
