La Usc di Ladins

Sta ota r’é śuda ben. Chi tre, che i ea drio a śì su co i schie e ra peles, ves forzela Adi, in Croda da Lago, i se r’à caada. El gnee, ruà da sora de lore, in à menà via doi, par supośò sesanta metre; ‘l é un on de 51 ane da Venas e un de 47 da Faenza. Al terzo r’é śuda ancora meo, parcé che el gnee no ‘l à brincà e ‘l à podù śì a dià chi outre doi e ciamà i socorse. Canche ‘l é ruà ‘l elicotero i s’aea beleche tirà fora da ra laina e i à menade su ‘l ospedal de Belun. Chel outro ‘l é vegnù śo da solo, co i schie. Canche ‘l é suzedù ‘l ea res 10.23 da bonora de śoiba ai 14 de marzo. Chi tre i ea moeste da caśò, par ruà su a Federa, dapò fin sote ra croda, agnó che i s’à tolesc fora i schie, par śì su a pe, con chera de ruà in forzela Adi, intrà ra zimes de ra Croda da Lago. I ome de el socorso in croda, chi de ‘l elicotero, i à vorù vardà polito, anche co ra so machina eletro­niches, che no fose outra parsones sote el gnee, ma chi tre i ea segure de ese da sole.

De plu tla edizion stampeda de La Usc di Ladins o sun l e-paper a paiament www.lausc.it/e-paper