La Usc di Ladins

Inze el stadio de biathlon de Antholz/Anterselva ‘l é poscibile proà el biathlon da ride. Ra scora de fondo ra organiza par grupe de amighe, impreses o ci che à voia de proà algo de noo, una stafeta de biathlon.
Ma ce elo el biathlon? L é un sport anche olimpico, agnó che se core co i schie da fondo e se sbara al poligono. Inze ra storia se pó ciatà pitures rupestri del terzo milenio ignante de Cristo, agnó che se vede che i śia a caza con el arco e i schie, soralduto in Norvegia e i paeses de ra Scandinavia, ma anche in Cina, e finamai Virgilio del 40 ignante de Cristo el aea scrito su ra caza con i schie. Intor el 1200 dapò de Cristo ‘l é dentà un sport militar, infatti inze ra Scandinavia e Russia i esercite i se petaa fora sui schie par se moe pi in prescia. Del 1960 par ra prima ota ‘l é sta fato gares de biathlon a ra Olimpiades e del 1980 anche ra femenes à podù core. (EMD)

De plu tla edizion stampeda de La Usc di Ladins o sun l e-paper a paiament www.lausc.it/e-paper