La Usc di Ladins

Imparà a fà fortaie e grafogn
Indomenia ai 25 de jugn la Union dei Ladign da Col l à organizà na lezion per vede e imparà come che se fas da rustì per i di de festa. Mercedes Agostini da Col, che per tanc de agn l à fat la pasticera, l à fà vede come che se fas i grafogn n pasticeria, n sistema pi svelto de chel nostran, e le fortaie paesane co la forma de n sciuois. Na dosena de persone le s’à donca ciatà via Pien, nte na cesa de na sozia de la Union che la é contenta che se la duore co l é ora da fà: nte zinch ore chi che à partezipà i à pudù imparà calche segreto e calche sistema puoch cugnessù per slejierà l fà da rustì.