La Usc di Ladins

Davò cater agn, st’isté tournarà a giourì le porte l Mujeo Ladin Fodom a La Plié. La notizia l a antizipada ntánt l ultimo consei de comun del 2023 l Capocomun Leandro Grones. L Mujeo l eva saré dal autón del 2019 per empermëte de fè i laour de ampliament nte la seconda auzada soura strada de la Cesa de la Cultura Fodoma finanziei grazie a nen contribut del Fond Comuns de Confin. Laour che, con deméz l Covid e chelche auter ntardivament i é fenìs empermò l ann passé. Adés se trata de i emplenì ite e dè coscita plù lerch e plù visibilité, ence nte co n’espojizion plù moderna e atuala, de la gran mascia de material che l’é ngrumada nte la sofita del ex Hotel Dolomiti, ulache fin adés l é sté l Mujeo, plù auter material che s’a enjonté nte chisc agn. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper