La Usc di Ladins

Sabeda ai 16 de merz l é sté le vota­zion per lieje fora l nuof consei provinzial.
Con la riforma Delrio, juda n vigor ntel 2014, ence la Provinzia de Belum come dute chële a statut ordinar i é deventade enc de secondo grado, come le Union Montane. Chëst vol di che l consei l no ven plù liet fora con votazion dei eletori ma dai consiadous de comun e dai capicomun. Ogniun l pò dé na ousc che la ven ponderada su la baje de n indesc, clamé indesc de pondera­zion. Chëst l raprejenteia l »peis del voto« de ogni eletor su la baje de la popolazion de la fascia demografica del comun ulache l eletor l é consilier o capocomun. Le operazion de conta dei voti, fate n domënia, i a dé chisc resultac. La lista »Progetto Dolomiti« del zenter dërta col voto ponderé l’a ciapé 41.239 ousc e l’avarà spò cinch segi ntel consei provinzial. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper