La Usc di Ladins

Oramai él deventé na tradiziun por la Organisaziun dles Patrones dl Südtirol. Pro la reuniun generala vëgnel onoré bele dal 1985 incá chës patrones che l’á albüda plü ria co d’atres. Ares é adora romagnüdes vëdues mo ne l’á nia dada sö, menan inant lüch y familia, portan sön sües sciables cotan de bries y fadies. Insciö ésera ince stada en domënia ai 10 de merz a Balsan, olache al é gnü onoré 6 vëdues de nosta provinzia – danter chëstes ince Monica Costa vëd. Clara dl lüch Planacer a Lungiarü. Deboriada cun Monica él ciamó gnü onoré Erika Unterkofler vëd. Laner da Jenesien, Waltraud Kienzl vëd. Pircher da Vöran, Gabriela Mair Fleckinger vëd. Pichler da Sterzing, Zäzilia Weissteiner vëd. Mayr da Feldthurns y Waltraud Eberhöfer vëd. Forcher da Kastelbell/Tschars. "Dötes chëstes vëdues á öna na cossa deboriada: ares é ëres stersces. Ares se mirita respet, reconescënza y aprijamënt", á dit la monia Mirjiam Volgger pro la surandada.

Deplü sön la storia armerüda de Monica Costa podëise lí t’La usc di Ladins di 15 de merz  (pablo)