Na buna atmosfera, le numer de sogadus che crësc y ince cotan de bi resultac. An podess la dí insciö, sce an oress trá adöm dër en cört le bilanz d’ativité dla uniun amatoriala Tennis Mareo. En mercui dl’edema passada él sté tl salf dl Ama Stay la sentada generala, olache le diretif cun so presidënt Diego Bonvicini y l’alenadú Carlo Serra á podü porté dant zifres y informaziuns che dá sodesfaziun y lascia speré bun ince por le dagní.
"Por la scora de tennis unse albü chi 120–130 scric ite, zënza tó en conscidraziun i atlec dl Sciclub. La majera ativité é sambëgn tratan l’isté, mo ince pro i cursc da d’altonn y d’invern ne sunse mai rová sot i 80 iscric. I sun dër contënc", á dit Carlo Serra, injuntan: "Sëgn unse na basa sterscia, le proscim obietif é chël da fá crësce la cualité."
Deplü sön la sentada generala, i resultac y les novités, podëise lí t’La Usc di Ladins di 12 d’aurí (pablo)
Mareo: Tres plü ligrëza cun le tennis
Sentada generala dl ASC Tennis Mareo, che ciara zoruch a n ann plëgn de sodesfaziuns, ince por le numer de sogadus che crësc tres deplü. En chësc ann arán 4 scuadres
Galaria retrac
View the embedded image gallery online at:
https://www.lausc.it/valedes-ladines/val-badia/26867-mareo-tres-plue-ligreza-cun-le-tennis#sigProIdc00af85692
https://www.lausc.it/valedes-ladines/val-badia/26867-mareo-tres-plue-ligreza-cun-le-tennis#sigProIdc00af85692