La Usc di Ladins

En sabeda ai 13 d’aurí é le pice paisc da Terenten sté deplëgn tles mans di stödafüch. Tl salf dles manifesatziuns dl paisc él gnü tigní la 69. reuniun generala dl raiun di stödafüch dla Bassa Val de Puster, che tol ite 48 corps de stödafüch, partis sö te 8 sotraiuns. Pro chisc él ince i raiuns dla bassa y alta Val Badia, cun sü 12 corps de stödafüch. Na pert importanta dla reuniun generala é dagnora chëra olache al vëgn surandé les onoranzes: la crusc de mirit d’or por i stödafüch che á arjunt 40 agn d’ativité, sciöche ince les crusc de mirit cun stëres o distintifs por comandanc y vizecomandanc. En chësc ann pón propi dí che i stödafüch dla Val Badia á albü na funziun da protagonisć, deache al n’é gnü onoré na dërta cumpëda.

Che che á ciafé la onoranza y sambëgn sü retrac, ciafëise t’La Usc di Ladins di 19 d’aurí  (pablo)