Seghita la scontrèdes de la Nazionèla talièna, endèna scopia l marcià: per i Falcons firmes emportantes e la pruma steca neva
Enceben n temp da d’istà più malsegur che zenza, soraldut te la dates de n calandèr che cognessa segnèr la repartenza, l’hockey seghita a majenèr vèlch da nef per se tegnir vertech. Aon rejonà enstadì de la scontrèda stata a Formia con la Nazionèla senior, ma la neves les va inant. Sul Garda a Castelnuovo se à defat binà la Nazionèla de la eles per i test fisics, tant con la senior che la joenes U.18, duta does la formazions sot la vida de coach Max Fedrizzi.
A Egna enveze dai 26 de messèl al ...

I atlec de la sozietà Fascia Balon, dò i desvalives meisc de paussa per via del Covid, pian pian taca a jir da nef te ciamp per i alenamenc. A la fin de aost desche semper cognessa tachèr ence i più joegn
Ence l mond del balon l’é stat blocà dal coronavirus, a duc i livìe. Duc i campionac à cognù se fermèr i prumes de mèrz e se à tacà a jièr da nef la partides del campionat de serie A entorn ai 20 de jugn, ben trei meisc dò che l’é crepà fora l’emergenza.
Per chel che vèrda noscia realtà sportiva l’ultima partida jièda da la pruma squadra del Fascia te la Pruma Categorìa l’é stat chela al scomenz de mèrz e dò no l’é stat fat più nia. La squadra pruma en classifica, l Calceranica, la é passèda de ...

L fascian Gabriele Depaul se à logà al prum post assolut anter i amatores te la garejèda de Rivoli. Ence l Fascia Bike à tout pèrt
Pech dalonc dal lech de Garda, Rivoli Veronese ge à dat alberch a la Mesa Bike Special Edition. La garejèda regionèla era averta a la categorìes agonistiches e donca l’era duc i più forc atlec de la MTB, ma ence ai amatores che, te chest an de emergenza sanitèra, i no à abù n muie de ocajions per se meter a la proa sui troes de sia pascion sun doi rodes.
L program pervedea la partenza da les 9:15 dadoman en domenia ai 26 de messèl, partenza sburlèda de 15 menuc a cauja di numerousc controi ...

L’atlet fascian Mauro Rasom à completà na raida de corsa che à tocà duc 6 i comuns fascegn
»Chel dì, no saesse pa dir l motif, é dezidù de jir a corer n tochet, coscita son ruà a la fin de la strèda. E n’outa aló me é pissà de corer enscin a la fin de la zità. E n’outa aló me é pissà de corer fora per la contea de Greenbow. Dapodò me é dit: ajache son ruà chiò, perché pa non corer fora per l beliscim Stat de l’Alabama...e coscita é fat. É coret tras dut l’Alabama, e no sé perché é seghità a jir. É coret fin a l’ozean e, n’outa aló me é dit, ajache son ruà chiò me śiraré e seghitaré a ...

L derby ie mefun for l derby! Nscila fova l’ancunteda danter l TC Ladinia y l TC Urtijëi scialdi sentida. Venciù à la furmazion badiota. N dumënia ai 12 de lugio iel unì cumbatù a Corvara per l prim post dl giron dl campiunat provinziel de Südtirol D4. La doi scuadres ladines ova i medemi ponc, do la ancuntedes cun l’autra scuadres dl giron. La furmazions ufizieles TC Ladinia: Capitan Achim Vinatzer, Kevin Vinatzer, Luigi Tasser, Massimo Nicosia y Franz Dapoz. TC Urtijëi: Capitan Davide ...

Tant i atlec de la Nazionèla de hockey che i schiadores de Copa del Mond i se à troà al zenter de preparazion olimpica del CONI
I atlec de noscia val i é dò a se enjignèr per la sajon da d’invern canche, se vedarà coche la é col Covid, i campionac e la garejèdes cognessa partir. E coscita se à moscià sui social na belota foto  che tol ite n grop de hockeysć fascegn dessema ai doi schiadores Sabo e Chicco, fotografìa fata a Formia (Latina) olache i atlec i é jic a se arcedèr e i se à scontrà.

De più su La Usc 29 de anché, vender ai 24 de messèl

La cobia de atlec dolomitans à fat la Via de la Fessura Gialla su l’Ombretta ai 28 de jugn
»Rué sunsom reston leé per passèr fora la cresta malsegura che con sie crescer e calèr la ne porta al Pas da le Cirele e te pech temp, coran sui giarons ruon te Fuciada, lech pien de turisć de ogne sort. Doi manieres desvalives de viver i monts a pec pasc un da l’auter«. Chestes la paroles de Giorgia Felicetti, l’atleta de la Nazionèla talièna de schi alpinism, che la conta de la repetizion de la Via de la Fessura Gialla su la Tor Enrica del Jigolé sun Marmolèda. Na via da rampinèr, no trop ...

L sport su la giacia de Fascia à scomenzà a se enjignèr a la sajon
L’é fenì l temp de le challenge e di video sui social per fèr passèr con n bel grignot l temp del lockdown, ades l’é endò arcedament. Tant i Pavei d’Arjent che i Fascia Falcons à defat scomenzà a se troèr e a se enjignèr per la sajon da d’invern che, duc spera, la posse esser belebon regolèra e fèr desmentièr definitivamenter l burt virus che à arlontanà i bec dal sport.
Coi lurieres de manutenzion che empegna l Scola te chisc meisc, descheche ve aon contà acà vèlch setemèna su la Usc, no sarà ...

Tel zenter sportif jun Navalge se à tacà a jièr a tennis sul fon nef. Chest an ampò per via de la restrizions emponudes dal coronavirus no vegn metù a jir l tornoi de aost
La é tachèda via ence chest an la sajon del tennis a Moena tel zenter sportif jun Navalge con la bela neva di ciampes renové te la pavimentazion, n intervent che l comun de Moena, patron de la strutura, aea jà pianificà l’an passà ajache chela da dant la era bon veia e roinèda.
Entorn a la fin de mé l’é tacà i lurieres, l’é stat metù jù erba sintetica mescedèda con saolon al quarz, per la fèr più stabola e ge dèr n aspet più realistich, che sporc la carateristiches de l’erba naturèla e de la ...

Nce sce l ne se lascia mo nia fé n program definitif, pòssen dì per ntant che l campiunat dla AHL scumencerà de utober, cun de ndut sëidesc scuadres. I clubs ie tl lëur de fé i cuntrac cun i jugadëures. Coche furesć à l Gherdëina recunfermà i doi tacajuech y l verdiaporta. Trainadëur sarà inò Erwin Kostner FOTO: L presidënt Walter Ploner à prejentà na azion nueva per sustenì l HC Gherdëina.L articul ntier tla edizion stampeda di 3 de lugio. UK

Aon fat doi ciacoles con Serena Bevilacqua da Ciampedel de 22 egn per se fèr contèr de sia esperienzes sportives
Saon che te pièsc i sport estremes e che t’ès fat desvaliva esperienzes. Peste ne contèr?
Ei, te mie viac te l’Australia, é proà desvalives sport estremes. Sul Tully River te la foresta pluviala del Queensland te l’est de l’Australia, é fat rafting. É fat rafting anter la natura a la fin de la »wet season«, canche l ruf l’era bel pien. L’é stat dalbon na bela aventura. Apede chest, é abù l met de fèr skydiving a Newcastle e a Cairns é fat bungee jumping. Recorde che aee fat n saut de cincanta ...

L joen del 1993 da Ciampedel ma enciasà a Vich ne conta de sie leam col parapent
Perché pa èste dezedù de scomenzèr con la pratega de chest sport?
Jà canche ere bez vardae en su tel ciel e canche vedee duc chisc parapents me pissae semper che fossa stat bel sgolar. L’ocajion dapò la é ruada del 2015: rampegae enlouta e me é destirà n deit. Aee n amich che l fajea jà l cors e, canche i à endrezà cheste giornade debant per sgolar, son jit. Timpruma se sgola demò a dotrei metres da tera, ma chest sport l me à ciapà sobito.

Co él stat tia percors?
Del 2015, é scomenzà con i prumes ...

Igor Lastei de 25 da Poza ne conta de sia esperienza e de la emozions leèdes a sia pascion
Can èste scomenzà a prateghèr chest sport fora de anter?
Gio é scomenzà a jir coi schi canche aee trei egn con mi pare che l’é maester de schi. Timpruma fajee garejade de schi alpin ma me recorde che jà da picol jìe a sutar per cont mie. No l’era amò snowpark, donca jìe bele fora da le piste. Canche aee catordesc egn é cambià e é scomenzà a far freestyle. Da aló, ence te la Talia l’à tout pé la »moda« de far sù snowpark. Cò son jit a far le scole aute a Poza, é scomenzà a jir col ski college. ...

L marcià de la roda l’é semper maor, aon rejonà col Sport Check Point de Cianacei per cognoscer la ultima neves
I gregn apuntaments sportives del 2020 i é stac beleche duc sburlé al 2021, ma chesta paussa sforzèda no ferma la rodes te Fascia. Jà dò la fin del lockdown i ziclisć à endò scomenzà a bater la strèdes e i troes de Fascia, ma con i 27 de jugn la neva é amò miora per i pascioné de chest sport: à avert l FassaBike Park, che dèsc l met de śirèr su valgugn di percorsc più aprijié de la Enduro World Series. Chest sessaben ence de gra ai impianc portamont che à avert per l scomenz de la sajon, tel ...

Enstadì l Fascia Falcons à ofizialisà la neva: Marco Liberatore l'é l nef arcedador
Per valgugn no l'é stat na neva, ajache l'idea śirèa tel cef de la jent, de bocia en bocia ja da vèlch temp. Ousc de paìsc, invenzion o bujìa da no poder creer ajache »Chi él pa che à dit?«, ma dapodò l'é bastà n comunicat per ruèr al compiment de l'ensomech, de la contìa più bela e fata de emozion: Marco Liberatore l'é l nef head coach del Fascia Falcons.

Mia enciaria tel setor di joegn no la fenesc chiò, à dit Liberatore. Seghitaré con la supervijion ence te la proscima sajon enceben ...

La dezijiun a Roma é tomada. Le ASC Mareo davagna le campionat 2019/20 de secunda categoria y pó fá le salt tla pröma
En mertesc él sté a Roma na sentada dla comisciun, che â da tó ince na dezijiun sön le dagní dla secunda categoria amatoriala dl palé, grup C. Por via dl "coronavirus" n’án nia podü soghé le rode de retüda, porchël êl gnü fat fora che la promoziun i jô ales scuadres che ê prömes do le pröm rode. Tla 2a grup C êl indere na costelaziun particolara: campiuns d’altonn é le Valdaora y la Val Badia, che á intrames 19 punc. Al terzo post él le Mareo, che á 18 punc, mo na partida demanco. La ultima ...

Fej le ASC Mareo le salt tla pröma categoria dl palé? Incö él a Roma le de dla gran dezijiun.
Le "coronavirus" á atoché ince i campionac dl palé, che é gnüs tignis sö, tan che an n’á chësta aisciöda nia plü podü soghé le rode de retüda. Insciö él gnü fat fora che i campiuns d’invern ê ince davagnadus dl campionat. Tl rode C dla secunda categoria él indere n caje unich: campiuns d’altonn é le Valdaora y la Val Badia, che á intrames 19 punc. Al terzo post él le Mareo, che á 18 punc, mo na partida demanco, o dit miú: mesa na partida demanco. Ai 3 de novëmber â le Mareo soghé cuntra le San ...

Anter alimentazion e ejercizies, Luca Daprai l ge va dò a l’ensomech de fèr garejèdes Classic Physique
La palestra no l’é demò fadia e sforz per se tegnir en forma, ma pel esser ence ensomech e pascion. N joen fascian che à fat de chesta pascion scheji na rejon de vita l’é Luca Daprai da Cianacei, student del liceo scientifich de Poza de 18 egn. Ence el, enceben che l se aesse tegnù en forma tel temp del Covid, l’é stat content de veder endò se averjer i ujes de la palestres.

"Colugn él ti obietives per l davegnir? - Mie obietif l'é seguramenter chel de garejèr, Classic Physique, n ensomech ...

Aon rejonà con Cristian Pellegrin de la Dolomia Sport de Cianacei
L'é te la natura de l'om de soraviver ai cambiaments, de jir semper inant zenza abadèr massa a chel che l'é stat dant. E coscita, jà ne somea n'autra epoca, n mond dalonc chel che ne à vedù seré te cèsa zenza la possibilità de meter pe de fora, ruan sencajo forin barcon o sun sèva de usc. Ades, con nesc couribocia podon jir belebon daperdut. No l'é deldut sorì, ma la fasa-2 se à portà demez i burc recorc de la pruma fasa, coscita coche se spera che na fasa-3 descancelarà i scecamenc che sion dò ...