Conzert de conclujiun dla Scora de Musiga

Data

13 de jugn 2023

Galaria retrac

Grandeza scritura

Social

A Badia él sté le conzert de conclujiun dla Scora de Musiga Val Badia: i ves pituns n valgönes impresciuns fotografiches, metüdes a desposiziun da Freddy Planinschek

Vigni ann, püch denanche les bronsines de scora sones por l’ultim iade, él ciamó n apuntamënt musical important tla valada. I baiun dl conzert de conclujiun dla Scora de Musiga Val Badia, che é – sce an ó dí insciö – la cherscia söla turta do n ann musical de ligrëza, impëgn y lezitënza. Al é l’ultim apuntamënt do i conzerc interns che é gnüs tignis bele te plü paisc ia por l’ann. En chësc ann é le conzert de conclujiun sté en mercui ai 7 de jügn tla Ciasa Runcher a Badia, olache le diretur dla Scora Raimund Pitscheider y le vizediretur Renzo Huber á podü saludé na gran cumpëda de geniturs, sambëgn sonadus y sonadësses cun sü maestri. Plajëi á ince fat la presënza de Alexandra Pedrotti – direturia dles scores de musiga todësces y ladines de nosta provinzia.

Deplü sön le conzert, sön le numer de scolars, i stromënc insigná y les novites de chësc ann passé, podëise lí t’La Usc di Ladins di 16 de jügn. Chiló ves pitunse n iade zacotan de impresciuns fotografiches, coiüdes da Freddy Planinschek (pablo)