Con la zerimonia de avertura che é stata a Cianacei ai 18 de firé l’é pontà via la gran manifestazion di Mondièi Junior 2019.
Lunesc ai 18 de firé. Na data che Cianacei recordarà per n bon trat per l’emozion, la gaissa e la bela atmosfera che dut entorn a Piaza Marconi se podea beleche tochèr con n deit.

Fascia, e chest l’é oramai stat scrit più e più outes, ge dèsc alberch ai Mondièi Junior 2019. N event de nonzech che porta te val gran moviment e baticher.

La neva de enstadì, aboncont, l’é che ades l moment l’é ruà. Nia più pissèr al davegnir, nia più pissèr a chel che ne speta: la zerimonia de avertura à dat l via a ...

Dò la mort de Giorgio Locatin l Comitat à tout ite l prum di no lité, Gianmaria Deluca.
L’é stat na sentada mestia, chela chiamada ite da la Frazion de Poza en martesc ai 19 de firé, che se à avert con n recort pien de stima e de encresciujum per Giorgio Locatin de Patron, stat Capofrazion per beleche 30 egn e se n jit de colp acà nience n meis, ai 31 de jené.

Ampò i lurieres da portar inant i é n muie e l Comitat à cognù dar sù prest le neve enciarie.

Te la Frazion de Poza l’é stat donca tout ite Gianmaria Deluca de Cruf, che te le ultime litazion l’era stat l prum di no lité, e ...

L’assessor al turism de la Provinzia de Trent Roberto Failoni à tout sù i besegnes del teritorie. Sodesfazions da man di operatores economics.
“L’é stat na scontrèda n muie percacenta e sinziera olache l’é stat metù dant la idees economiches e politiches de la jent de Fascia che domana na soluzion chièra per chest istà e na resposta definitiva per i egn che vegn.” L’é stat chestes la pruma paroles de l’assessor al turism de la Provinzia de Trent Roberto Failoni a la fin de l’enconter chiamà ite te Comun de Cianacei en lunesc ai 18 de firé dal conseier ladin e vize president del Consei regionèl Luca Guglielmi con i raprejentanc ...

L’ombolt de Sèn Jan, Giulio Florian, spiega i lurieres fac e chi amò da fèr per l Ski Stadium e l projet per portèr la senta del Ski & Ice College vejin al portoi.
A temp de record per l gran event mondièl l’é stat portà a compiment i intervenc pervedui per poder endrezèr sul portoi che rua tel paìsc de Poza dnce la garejèdes mondièles de slalom lèrch. Via per chest an l’é pervedù amò vèlch lurier e dapò dut l nef Ski Stadium, impiant e portoi, vegnarà comprà da Trentino Sviluppo che l ge lo darà sù al Comun de Sèn Jan. La gestion vegnarà touta sù, aldò de n bando, da n Comitat con ite impiantisc’, organisadores de evenc e sociazion sportives, per poder ...

L’Union di Ladins de Fascia slèria fora l’envit a tor pèrt a la festa grana per la patrona de la val. La messa vegnarà ofizièda dal Piscop Lauro Tisi.
Ai 16 de firé l’é Sènt’Ugèna, patrona de Fascia e donca festa grana per duta la comunanza cristièna de la val. Nesc veies, descheche conta ence Annelise tel toch chiò apede, ge à semper tegnù a jir a messa sun Ciaslir de Vich e a preèr la Sènta martire, acioche la i vèrde via e la i compagne semper.

L’Union di Ladins de Fascia l’à a cher la tradizions e ence chest an la slèria fora l’envit a tor pèrt a la messa e a la sègra, endrezèda da La Pro Loco de Vich, adum al Comun general de Fascia, la ...

Lums empeèdes sun l’atlet da Gherdena Alex Vinatzer e la furlana Lara Della Mea
I sarà 16 i joegn taliegn che tolarà pèrt ai Mondièi Junior 2019 te Fascia: 8 de ic e 8 de eles. I sarà vidé dal campion da Gherdena Alex Vinatzer e da la furlana Lara Della Mea, i doi possiboi protagonisć en assolut de la rassegna. Recordon che Alex à jà vent la medaa de arjent l’an passà a Davos.

Chisc l’é i inomes di atlec convoché dal President de la Fisi Flavio Roda, che li à cernui aldò de la segnalazion del diretor sportif Massimo Rinaldi e del coordenador del setor di joegn Matteo ...

La radunanza di sozi del Fassa Coop à metù dant n utol che passa via l milion de euro. Consegnà l "Premio Fassa“ ai Studafech de dut l Distret de Val.
L'é stat l vizepresident Pierpaolo Trottner a vidèr la radunanza di sozi de la Coprativa de Fascia, chiamèda ite en sabeda ai 9 de firé domesdì te palestra de la Scola mesènes a Sèn Jan. Na radunanza che à vedù na gran partezipazion de zirca 450 sozi e che, soraldut l'à podù portèr dant n bilanz dassen ezelent. L bon ejit arjont tel bilanz de l'an 2017 é stat amò miorà del 2018, ruan a n utol de ejercizie de 1.061.091 euro.
Desche semper la Radunanza l'é stat l'ocajion per consegnèr l Pest ...

Prum post per Margit Zulian e Alex Oberbacher a la 3^ proa del Montura Trofeo Ski Alp 4 Valèdes.
Se à tegnù en mèrtesc ai 5 de firé la Moena Ski Alp de schi alpinism, ruèda a sia 6^ edizion, che aea valuta desche 3^ proa del Montura Trofeo Ski Alp 4 Valèdes, la proa che era stata sburlèda per catif temp. I passa 200 atlec scric ite é ponté demez dai Ronc ló da la gabinovìa de Lujia e i é rué sa Le Cune, i à corì n percors de 2.200 metres con 470 metres de dislivel.

Bon éjit ence chest’outa per i atlec di Bogn da Nia. Te la categorìa de eles l’é l podie dut fascian con al prum post Margit ...

Na zelebrazion spezièla, che da Fascia é ruèda tel Sud America, passan per la Polonia e la Palestina.
L’é stat dassen na zelebrazion fora de anter, chela stata te gejia de Poza en sabeda sera, olache l’é stat festejà i religiousc e religiouses. Ai 2 de firé, defat l’era la XIX dì de la Vita Consacrada, na festa metuda sù dal Papa Jan Paul II del 1997, per valorisèr la testimonianza de persones che à cernù apontin la vita religiousa.

Don Andrea à chiamà per chesta ocajion preves e monies rué da desvalives lesc: padre Giovanni Rossi, stat per passa 50 egn te l’America Latina, anter Argentina e ...

L’é vegnù fora l quarto numer del boletin de informazion de la Cèsa de Paussa rich de pensieres e retrac da color.
L’à inom “Eies Vives” e de gran eies vives ne vèrda curiousc fora per duta la piates del 4° numer del boletin de informazion de la Cèsa de Paussa de Fascia, l’ultim numer del 2018 metù ensema, ence per la grafica, col gran lurier de dut l staff coordenà da Serena Pederiva col didament de Emanuela Montrasio.

L’é rich de retrac da color, de grignoc, de festes, de mans che se tocia, che depenc, che crea. L’é i ghesće i operatores de l’APSP che ne moscia l gran maraut de ativitèdes che i à fat via ...

Aon domanà fora la Sorastanta en cont de tempes e destinazion de la strutures e de la vijita con l'assessor Bisesti. 
Con la sorastanta de la Scola Ladina de Fascia Mirella Florian aon rejonà de mudamenc de strutures e endrez per l’an de scola che vegn, de Ski College, del nef liber per i corsc de ladin, ma ence de la vijita de l'assessor MIrko BIsesti, de prejepies te scola e de “educazion de gender".

De più te La Usc stampèda de vender prum de firé 2019.

Te la speziarìa de Vich l’é stat rejonà de medejina tradizionèla e alternativa e de fisiognomica.
Che él la medejina tradizionèla mediterana e la fisiognomica? De chest à rejonà chisc dis passé a Vich Tiberio Zen, informador scientifich de na firma che da egn porta inant te la Tèlia chesta sort de medejina tradizionèla, e Laura Bernato, naturopata con studie jun Busan. Aon coscita podù saer vèlch de più sun chesta medejina veiora che se à svilupà tel cors di sécoi sul Mar Mediteran, endèna che jìa inant ence cheles de egiziegn, greches, etrusches, fenices, romans. Chisc popoi ...

Capofrazion de Poza, l’aea tout pèrt en mercol dadoman a la sescion forestala de Sèn Jan e da sera l’à ciapà l bot.

La comunanza de Poza e de duta Fascia é states scassèdes sù da la burta neva che se à tacà a se slarièr fora da anché bonora: l’é mort Giorgio Locatin de Patron. L’aea 72 egn e l’era Capofrazion de Poza.

Proprio angern, mercoi ai 30 de jené, da doman l’aea tout pèrt a la sescion forestala chiamèda ite a Sèn Jan: l stajea ben, enceben che l’aesse passà vèlch magagna de sajon; duc i l’aea vedù atif e enjignà desche semper a responer e ge fèr front ai problemes e a la costions de la Frazion, ...

A la fin del 2018 i sentadins te val i é 10.056, con n smendrament respet a l’an dant de 19 persones, ampò caujà soraldut dal moviment migratorie.
L’an 2018 te Fascia fenesc fora col segn negatif, per chel che vèrda l numer de sentadins, respet al 2017. N smendrament de 19 persones che vegn en mendra pèrt (-4, e dut eles) da la desferenza anter nasciui (73) e morc (77), e en maor pèrt (-15) da la desferenza anter chi rué a stèr ti comuns de Fascia (268) e chi se n jic da chisc comuns (283). Ence te chest cajo l smendrament l’é soraldut feminin: l moviment migratorie palesa defat 13 eles e 2 ic de manco, e donca en dut a la fin del 2018 ...

L grop di studenc de robotica de la Scola Ladina de Fascia à passà la selezion de la First Lego League a Reggio Emilia.
Per l quinto an a dò a dò i studenc di licees de Fascia se à vadagnà l’azess a la finèles nazionèles de la First Lego League che sarà de mèrz a Rorei. L projet scientifich é stat cernù ti trei miores anter chi valuté da la jurìes de la FLL: per chesta rejon l grop l’é stat envià a jir a Roma tel meis de mé per ge prejentèr diretamenter a l’Agenzìa Spazièla Talièna sia enrescides.

De più sul projet de robotica e sul bel resultat arjont da la Scola Ladina de Fascia su La Usc stampèda de en vender ...

Barbara Pedrotti l’à lascià la direzion chest uton passà. L Cor é avert ence a neves ciantores.
Del 2021 l Cor Enrosadira da Moena festejarà si 40 egn de atività. Mencia ben amò doi egn ma, deschesche se se n adasc semper de più, l temp l cor e i egn passa. I é passé en prescia ence i 6 egn e mez de direzion de la maestra Barbara Pedrotti, che l’à dezidù chest uton passà de lasciar l cor e de serar sù coscita na esperienza de gran peis e valores, tant da man soa che da chela de duc i corisć. 

Mudamenc ence per chel che varda l diretif del Cor. L president Paolo Defrancesco l’à dat le ...

Te na intervista l comandant Gianluca Ruggiero ne met en consaputa de l'atività de la squadra de 21 omegn e femenes che porta inant n gran servije de control e de segureza te val
Del 2018 i à fat 90 verbai aministratives, 140 ac de polizia giudiziaria, 2 denunzies de violenza te cèsa, 200 intervenc sul teritorie, 10.000 verbai al codesc de la strèda. L’é chisc i numeres maores de l’atività di Polins de Fascia te l'an giusta fenì. De l’emportanza de chest servije ne rejona l Comandant di Polins de Fascia Gianluca Ruggiero.

Podede lejer duta l'intervista su La Usc stampèda de vender ai 25 de jené. 

La comunità de Moena à fat festa per n auter servidor consacrà al Segnoredie. L nef diacon Devis Bamhakl, che se recognosc tel verset de la Bibia, ne à contà de sia vocazion.
Dò aer lurà per passa vint egn desche polin, ades l’é stat ordenà diacon e te pech più che n an l doventarà preve. Devis Bamhakl l’à 46 egn e l’é da Moena, en sabeda ai 19 de jené l’arzipiscop don Lauro Tisi l l’à ordenà diacon a Trent. Chesta ordenazion é desvaliva da chela per i diacons permanenc ajache la é finalisèda a doventèr preve e donca la ge va dò a n percors spezifich.

La zerimonia é stata te la basilica de Sènta Maria Maor, piena e rèsa de jent, l’era na trentina anter preves e ...

Dò trei meisc de lurier, la redazion à sturtà sù sie lurier.
Felizità: de chest l rejona l nef numer de Filoreflex. I joegn studenc de la redazion de la Scola Ladina de Fascia à lurà a fon sun chest tem fora per chest uton, descorian desvaliva prospetives de chest argoment no semper sorì. Anter l lurier e la colaborazion anter studenc, professores, grafics e giornalisć, l nef numer de Filoreflex l’é dassen na gran felizità.

Amò aon rejonà de l’emportanza de poder scriver e se esprimer e chest projet, per i joegn de noscia val, l’é la vida per proèr a se ...

La Provinzia de Trent met fora n pian di intervenc per rencurèr sù e vener l legnam, ma vèlch Asuc endèna se à jà rangià.
En vender ai 18 de jené la Jonta de la Provinzia de Trent à prejentà l pian di intervenc per ge fèr front al dejaster del bosch caujà da l’event climatich ecezionèl di 29 de otober. L document revèrda i ambic teritorièi de intervent, i criteries de priorità, la vida e i tempes per portèr demez l legnam dai bosć, la indicazion di posć più adaté per tassonèr l legnam con chela de l vener a priesc bogn.

Se saarà vèlch de più prezis su la indicazion provinzièles de coche la Forestala, i Comuns ...