La relaziun dl Premier Giuseppe Conte tl Senat é stada n ressümé de ci che chësc govern danter Lega y "5 Stëres" á arjunt de bun, ci che é sëgn tla fasa de sospenjiun por colpa dla crisa politica, y na critica sota al Minister dl Intern y Vizeminister – y dantadöt ala personalité – Salvini
Le premier Conte á dit mefodër tl Senat che al ascutará sö avisa i intervënc che se ajuntará a so discurs, y che al jará spo dal Presidënt dla Republica Sergio Mattarella por anunzié la fin de chësc govern. Le govern atual ghel-vërt á doré chël ann y mez.

Da aldí fora dal discurs de Conte él sté l’orenté da jí inant, odarun sce al ciafa l’inciaria dal Presidënt Mattarella da mëte adöm n govern nü, y co che chësc podess ciaré fora!

Michelle Hunziker á tut sö n filmin ironich, do che ara ê gnüda incolpada da avëi coiü na stëra de munt tl’Alta Badia
Le video podëise odëi chiló:

https://www.facebook.com/michelle.hunziker.official/videos/404538126851188/

Ai 6 d’agost s’á tigní la lita di posć tla Direziun provinziala Scolines y scores ladines. Por le ann scolastich 2019/2020 á podü gní dé ia en döt 8 posć de rode.
Por le proscim ann scolastich án podü dé ia 5 posć de rode tla scora elementara, 1 post de rode tla scora mesana e 2 posć de rode tla scora alta.
I 5 posć de rode tla scora elementara é partis sö insciö: 3 posć i é gnüs assegná ala Direziun raionala de Sëlva, 1 n post ala Direziun de Badia y 1 post ala Direziun d’Al Plan. Por ci che reverda les scores secondares de pröm y secundo degré, ti él gnü assegné n post de rode ala scora mesana de Urtijëi. Dui di ...

L atleta norveges de schi alpin à venciù l pest de chiche fej plu ponc tla cater garejedes de Copa dl Mond te Gherdëina y tla Val Badia. L pest ie de doi cëifs cun si inuem, n bust de lën, na vacanza te Südtirol y 20.000 euro. Gran retlam a livel turistich.Foto: Da man ciancia, l manager dla destinazions de IDM Thomas Plank, l presidënt dl cumité d’urganisazion dla garejeda de Copa dl Mond te Gerdëina Rainer Senoner, l cumëmber dl cumité d’urganisazion dla garejeda de Copa dl Mond tla Val Badia ...

Inier, juoba ai 15 de agosto, l'associazion turistica da Col auna al scritor Matteo Righetto l'à podù inaugurà l' "Alta via del Ors", percors ispirà al liber de Righetto "La Pelle dell'Orso". N percors che l à podù ester fat in part incia con aiuc ruai da l'Auta Badia per deidà la ricostruzion darè Vaia. (De pi su La Usc de vender ai 23 de agosto)

A Mundimitar él gnü stlüt la scora elementara. Le lingaz slaf vedl vir ince tles poesies scrites da sü abitanc
"Paisc dla poesia" ti vëgnel ince dit, a Mundimitar, chësc pice paisc sön n col nia dalunc dal mer y Termoli. Passa cincanta dess ester les poetes y i poec che scri tl croat vedl, sön na popolaziun de 350. Strofes de poesies é scrites sön tofles fora por le paisc, ares cunta de emoziuns y amurs por le paisc, la cultura, les usanzes. La domanda podess ester: Salva pa la poesia le lingaz?
Da dui agn incá n’á le paisc nia plü la scora. Sce l’interes por la conservaziun dl lingaz y dla cultura ...

Dan 500 agn passâ ca cënc de porsones dala Dalmazia les eghes dl Adriatich por colonisé i coi molisians y abruzesc. Aldedaincö s’an vá i jogn demez, y i vedli cun so lingaz dla uma croat resta susc
"Acquaviva Collecroce", "Montemitro" y "San Felice del Molise" é i inoms taliagn por i trëi paisc che á suravit tl Molise cun raisc croates y cultura slava. L’inom original, che é ince da odëi ciamó incö söles tofles di paisc é: "Živavoda Kruč" o ince ma "Kruč", "Mundimitar" y "Filič". I trëi paisc á düc adöm aldedaincö ma plü chi 1.500 abitanc, y le dagní é döt ater co otimistich, ajache les families jones y jogn s’un vá demez, cuntra le mer nia dalunc a Termoli, o ince tles maius cités ...

Dancà y da na pert: USC: Posses'a te prejenté n curt? Florian Senoner: Son de Sëlva, mut de Ermelinde da Tublà y Lorenz da Runcac. É 21 ani, y é n jumblin, Christian. Ma nëus doi son danz scialdi desferënc per vester jumblins. É fat l Lizeum Tlassich Vinzentinum a Persenon. Mi hobbies ie suné l tlavier, cianté, me ancunté cun cumpanies y depënjer a acuarel. Foto: Florian Senoner. La ntervista ntiera tla edizion stampeda di 2 de agost.

Na delegazion dla Union Generela di Ladins dla Dolomites prejenta a la festa di 100 agn dla "Lia Rumantscha" ti Grijons
Ai 2 de agost él sté a Zuoz tla Engiadina Auta l at ufizial per recordé l anual di 100 agn da la fondazion dla “Lia Rumantscha”. Na delegazion dla Union Generela di Ladins dla Dolomites con a cef sia presidenta Milva Mussner à volù ester prejenta te chesta ocajon per sotrissé l liam anter les comunités ladines dles Alpes y per renforzé la colaborazion y la comunicazion anter les does mendranzes.

La Lia Rumancia é la organisazion "tet" dles unions che laora per l lingaz rumanc y la cultura ...

Scores secondares: Cursc de formaziun por l’abilitaziun al insegnamënt
La Direziun provinziala Scolines y scores ladines á metü da jí na prozedöra de seleziun por l’abilitaziun al insegnamënt te n valgönes materies tles scores secondares. I cursc vëgn tignis dala Facolté de Sciënzes dla Formaziun dl’Université Lëdia da Balsan. La Facolté á süa sënta prinzipala a Porsenú. Insegnantes y insegnanc che á i recuisic d’azes pó mené la domanda de partizipaziun cina ai 19 de agost 2019, ala Direziun provinziala Scolines y scores ladines. Dötes les informaziuns por ci che ...

A Balsan y tl Unterland á incö domisdé le tëmp fat de gragn danns
Le spavënt por les tempestes de vënt, plöia y granüjeres, che s’á juté sön Balsan y ti raiuns incëría é gran.

I publicun n retrat y n video dla organisaziun di Stodafüch de Südtirol:

https://www.facebook.com/lfvsuedtirol/videos/716903948774076/

An pó bele sëgn damané do o renové les chertes dl trasport publich por scolars y studënc. Termo é i i 15 de setëmber
La Provinzia de Balsan recorda te n comunicat che por l’ann de scora nü él da damané do o renové adorassá les chertes dla mobilité Südtirol Pass abo+. Chësc mëss gní fat anter i 15 de setëmber 2019. Cina iló funzionará ciamó les chertes vedles. Sides le renovamënt co la domanda do na cherta nöia pó ma gní fac online, tres le sit www.altoadigemobilita.info o www.suedtirolmobil.info, cun SPID o cherta di sorvisc ativada.
Sce i damanadus é ciamó minorenns, mëss la domanda gní fata da n genitur, don ...

N auter istà da struc
Col scomenz de l'istà l Comun de Sèn Jan à envià via n nef projet de mobilità. L'à serà fora dai auti la val de Sèn Nicolò e Gardecia e l'à smaorà l sistem de trasport publich con pulmins che mena la jent sa mont e ence te la frazions de paìsc. Segur na dezijion mesurèda, studièda fora con coraje e che, a mie dit, merita de vegnir sostegnuda.
Fascia chisc dis é endò sofoèda dai auti, chi che cogn se mever per lurier cogn pontèr demez dant de les nef da doman senó i resta enbocé te longia coudes ...

Tl mëis de messé án registré tl Südtirol bëgn 38mile tarlis. N record da canche an á metü man da mosoré.
Che le mëis de messé á porté tröc temporai, s’un ará la maiú pert intenü. Sëgn á le Sorvisc Meteorologich dla Provinzia ince dé fora i dac ofiziai. An á registré bëgn 38.000 tarlis, ci che é n record, da canche an á metü man da mosoré tl 2007. Degun record n’él sté pro les temperatöres: tl pröm mez mëis án albü temperatöres tla mesaria; tla secunda pert de messé él rové alerch na ona de cialt, che á ai 24 dl mëis porté le termometer cina a 37,1 °C a Balsan. Le plü frësch án indere albü tla ...

Senz'auter valgugn de voi nte cheste stemane passade l sarà jù a vede al zinema l film "Spider Man - Far from home". Su segnalazion den nost abonà sion jui a sel vede e on podù vede che valgugn toch del film, incia se ven scrit che l é stà fat ju n Austria, i sarave stai fai ju in Anpezo, sui jof de Fauzare e Valparola. Chi de voi se n'avelo intendù de chest?

L’etnologh Emanuel Valentin á presenté en chësc de le liber "Memoria Ladina: Heritage, Community und Partizipation in den Dolomiten". Na publicaziun che se dá jö cun la documentaziun dl’arpejun culturala, deboriada cun la jënt
Co pón pa identifiché y documenté l’arpejun culturala te na manira partezipativa? Chësta é la domanda che l’etnologh Emanuel Valentin s’á fat, pian ia rodunt dai ladins dles Dolomites. Le resultat de sües inrescides é sëgn dan man tl liber "Memoria Ladina: Heritage, Community und Partizipation in den Dolomiten". Ara se trata de süa dissertaziun dl dotorat de inrescida tla Facolté de Sciënzes dla Formaziun dla unibz. La publicaziun é gnüda fora tla ciasa edituria "bu,press" dla Université Lëdia ...

Nstadì ti à l Cunsëi de Stat – per ntant – dat rejon ala dita che mëina na sala de juesc cun scioldi a Urtijëi, tres na prozedura y mutivazion che ne sta no sun ciel y no sun tiera. Na urdenanza shock che semea fata ad personam, mineda coche lobby dla sales da juesc per scioldi. Zeche ie segur: dovia iel nteresc stersc, monce tof de forzes massa grandes. Foto: La Tlinica dal Sport 181 y la sala dai juesc te ustaria dl 1818 ie tl medemo frabicat. Deplù tla edizion stampeda di 26 de lugio.