Le ciol vëgn tres plü strënt: cun le 1. de setëmber él indó cotan de mudaziuns aministratives tla dlijia dla Val Badia
La Diozeja de Balsan/Porsenú á publiché les mudaziuns de personal che jará en forza cun le 1. de setëmber 2020, y da chëstes vëigon che ara vëgn tres plü strënta cun i proi te nosta valada. Siur Klaus Sottsass, che é ploan d’Al Plan y vicar da La Pli, San Martin de Tor y Lungiarü, surantolará ince la responsabilité aministrativa y sará insciö vicar dles ploanies da Antermëia y Rina. Iló él siur Paul Campei che á arjunt bele l’ann passé i 75 agn: chësc ó dí che siur Paul gnará deslié dala ...

I resultac dles prelítes da La Val é danman. Buna partezipaziun dl 44%
Ince le paisc da La Val á prelité i candidac che ai odess ion te Comun tla proscima legislatöra. Al ê gnü partí fora 1.085 zetoles y de chëstes n’él gnü zoruch 477, che corespogn ala porcentuala dl 43,96%. Döes zetoles é gnüdes dades jö blances, pro les atres á la jënt manifesté sües preferënzes. An podô dé jö öna na usc por le candidat da ombolt y 4 usc por candidates y candidac al Consëi.

Miribung davagna tler
Pro la prelíta da ombolt él döt tler: l’Ombolt atual Angel Miribung á abiné le bel ...

La Musiga da La Val ciara zoruch al’ ativité dl ann 2019 y lita n presidënt nü: Markus Complojer lascia do 12 agn y ti passa le testemone a Helmut Deiaco
...

Jënt desmentiosa, surapinsier y dejinteressada: forsc consumunse tan tröp les cosses, che i ne savun nia plü da avëi albü ligrëza inier cun n cheder, depënt a man o pastelné da nostes mans. Datrai se trátera ince de scincundes che d’atri nes á fat cun amur. 70 chedri chir so patrun

Nosta storia mët man, canche n'atra storia se röia. A Badia á stlüt cun dezëmber la botëga AL.WI. Scebëgn che la stlüta ê gnüda anunziada danfora, él romagnü te botëga n gröm de cosses y massaries por pastlené, depënje, fá de vigni sort a man... Y resté él ince ciamó chi 70 chedri, danter chisc de chi d’autur de valüta, che ti ê gnüs condüs a Carlo dandaía (tla spana de passa 20 agn) por lascé fá na bela cornisc. Jënt i á condüt adalerch, mo s’á desmentié, o n’á nia plü odü de importanza, da jí ...

Studëntes y studënc dl Lizeum Linguistich y dles Sciënzes Umanes da La Ila á albü l’ocajiun da se dé jö cun le tema dl’acoliënza te nosta valada, deboriada cun i rapresentanc dla Comunité de Val y ince cun Diouf Khatab, che s’á integré dër bun
Ci te vëgnel pa imënt canche t’aldes la parora "imigré", o canche t’aldes la parora "muciadú"? É pa chisc dui sinonims? Ci é pa na porsona che damana do sconanza y ci pa na porsona che damana do asil? Pian ia da chëstes domandes, á i studënc de 4a y 5a dl Lizeum Linguistich y dles Sciënzes Umanes da La Ila podü se confronté cun sentimënc, stereotips y preiudizi che caraterisëia le tema dla imigraziun y dl’acoliënza te nosta provinzia. L’ocajiun é gnüda a s’l dé te na incuntada organisada ai 29 ...

3 agn él bele ca y al é indó tëmp de lites. Grana é stada l’ativité dl’Uniun y ciamó deplü la sodesfaziun por avëi arjunt traverc importanc
Ince tratan l’ann 2019 á l’Uniun di Ladins dla Val Badia dé n contribut fondametal por le svilup dl lingaz y dla cultura ladina. Tres n program ampl y desvalí ti éra jüda incuntra ales esigënzes dla jënt dla valada y ti á dé espresciun a süa cultura te na manira dinamica, realisan insciö sü obietifs y sües finalités statutares.
Dlungia les reuniuns periodiches dl Consëi s’á i mëmbri anuzé dla poscibilité pitada dala tecnologia por lauré te na manira tres plü asvelta y efiziënta. Dantadöt i ...

Val’ é sigü al momënt: l’ombolt de chisc agn Robert Rottonara é por fá inant. Al podess indere ciafé concorënza, y ince perde n assessur y na assesuria
Robert Rottonara á dit che n grup é bele ruvé adöm por nen baié dles lites y dla lista. Chësta dess ester zivica y nia partitica. N pü’ sciöche dan cin’ agn. Iló â Corvara y Calfosch na lista sora, y Robert Rottonara ê le su candidat a ombolt. Sëgn paressel che al se müdes püch en confrunt a laota, o che n "ater papabl" se mët en gara. 

Liéde do deplü tla ediziun de La Usc di Ladins stampada da indoman!

N de me ponsâi... che i ne lasciun nia dagnora ion passé chi che vá a pe
Canche i vá da Bornech fora, me sál bel che sce zacai mëss passé ia la strada (olache al n’é nia n semafor) él scialdi i auti che stá chic. Atramënter sunse nos ciaférs te nüsc pici paisc, olache an ne l’á nia cis cun lascé passé ia chi che vá a pe. Iló poste val’ iade sté dlungia strada a d’aspeté. I auti passa, y passa, y passa. "Valgügn me salüda cinamai, mo ne me lascia nia passé", dijô n pere da San Martin che rodâ cun le baghele. A n ater che l’â n iade vagada da passé ia canche al gnô n ...

Indoman mët man i mondiai ite en Antholz te Puster. Por iló dess ince indó la linia dla ferata Valdaura – Osttirol ester en funziun.
Incö vëgnel fat iadi de proa. Indoman déssera ester tan inant, che la ferata de Puster é indó daldöt y deplëgn en funziun.
Por les serades y les findledema danter i 12 y i 23 de forá 2020 jará en funziun – aladó dl assessur provinzial ala mobilité Daniel Alfreider – ciamó deplü ferates söla linia de Puster y ince autobusc che fej sorvisc INANT y ZORUCH dala staziun dla ferata Valdaura-Antholz.
I organisadus s’aspeta chi 160.000 spetadus ales gares mondiales ite en Antholz.

L’assessur atual da Rina Alessandro Huber á ciafé la usc dl 80% de chi che á "prelité" a Rina
Ince le paisc da Rina á tigní en domënia danmisdé les prelítes, a chëres che an podô tó pert da 16 agn insö. Sön les 392 porsones che podô jí a dé jö la usc, n’él jü 90, le 22,93%.
Le plü usc de düc i é jüdes al assessur atual Alessandro Huber (rové te Junta l’ann passé do les dimisciuns de Florino Ferdigg), che á ciafé 72 usc. Al secundo post, cun 34 usc, ciafunse l’ater aconsiadú comunal da Rina Lois Ferdigg. Al terzo post vëgnel Florian Craffonara cun 24 usc.
I atri resultac é tomá fora insciö ...

Felix Ploner é le candidat plü lité pro les prelítes a La Pli de Mareo. Bun resultat por Katrin Ellecosta, che arjunj sciöche pröma ëra le terzo post. Mo la partezipaziun é sot le 30%
A La Pli de Mareo él gnü tigní tl fin dl’edema passé les prelítes por cerne candidates y candidac por les lítes di 3 de ma. Te paisc êl 696 porsones che â le dërt da lité. Ala fin él sté 185 porsones che á tut sö l’invit, ci che corespogn al 26,58%. Candidat plü lité é sté Felix Ploner cun 71 usc; ël á ince bele manifesté süa orenté da se candidé da ombolt. Toch dedó cun 69 usc vëgnel Patrick Complojer, che é te chisc ultims 2 agn y mez assessur por La Pli. Al terzo post vëgnel öna dles ...

La legastenia y discalculia pro i mituns y les mitans: n problem da odëi y afronté adorassá. Por le bëgnsté dl möt y dla möta, y por podëi imparé por la scora y la cariera profescionala
I analisun i sintoms y les deblëzes da dezifré y lí pro i mituns. Sciöche pro n gröm de disturbs y problematiches vára da ciafé spligaziuns, aiüc y consulënzes. I oresson naota splighé ci che al stá iadó les definiziuns mediches y scientifiches "legastenia" y "discalculia".

Les desfides da lí, scrí y fá cunc pro mituns
Mituns crësc dal mëteman insö cun lëtres y zifres. Ai les vëiga te foliec y libri, sön tofles de paisc y te loghi de dites, sön numeri de telefon, numeri de telecomani, aparac dla ...

Tl’Alta Badia se concretisëia ince plan plan tla pratica la reorganisaziun dl turism cun l’Assoziaziun Turistica unica (por i comuns de Badia, Corvara y La Val). Al é öna dles plü granes de döt Südtirol. Deboriada cun la ABB gnaral manajé döt le laur, l’oferta, la comunicaziun y le sorvisc por n turism badiot che ciara tl dagní!
Intervista tla ediziun atuala stampada de La Usc di Ladins a Damiano Dapunt, che é da 30 agn incá un di funzionars plü esperc y lungimiranc dl turism badiot, y sëgn vizediretur dl’AT Alta Badia.

Le turism tla Val Badia crësc ince dl 2019. Al edl dál che le marcé prinzipal di taliagn é jü n pü’ zoruch, y che le turism é tres plü internazional.
Ince tl 2019 fej la zifra indó parüda: 3.084.232 pernotamënc tla Val Badia, che é incër 9mile deplü co l’ann denant y insciö n aumënt complessif dl 0,30%. Chiló valgünes zifres y coriosités:

- Tla Val Badia án cumpedé tl 2019 indöt 23.794 lec turistics
- Mareo á la porcentuala plü alta de turisć taliagn, cun le 57,92% dles sojornanzes
- Tl comun da San Martin á le turism albü le maiú aumënt tl 2019, cun n plus dl 3,48% tles sojornanzes
- Tl’Alta Badia fej i sciori les vacanzes plü lunges, ...

Rubrica por na comunicaziun digitala sana danter les generaziuns – Na RUBRICA NÖIA TL FOLIET LADIN "La Usc di Ladins"
Liéde do tla versciun stampada de "La Usc di Ladins" (o tl e-paper a paiamënt) – da sëgn inant te intervai de 15 dis por 6 mëisc alalungia – la rubrica metüda adöm y curada da Maddalena Valentini de Badia söi mediums digitai moderns, süa adoranza y valüta, y ince süa maladoranza!

Tla ediziun atuala, gnüda fora ai 7-2-2020 se presentëia l’auturia y instradësc söl contignü y söla finalité dla rubrica "mediAziun"!

Inzidënt prigorus en jöbia sëra a San Ciascian, olache n auto é rové massa infora te strada, s’á rosedé y é spo arsí söl tët. Les döes porsones che ê laite ne s’á por fortüna fat nia de maiú.
La jöbia ai 6 de forá êl pordërt na gran proa d’evacuaziun dl lift de Piz La Ila, cun ala pert düc i grups di stödafüch dl’Alta Badia sciöche ince scuadres dl Aiüt Alpin. Rodunt tratan la proa, incër la mesa dales 7, gnôl indere na cherdada por i Stödafüch da San Ciascian, por via de n inzidënt che ess podü avëi de burtes conseguënzes. Sozedüda ésera a San Ciascian, defata defora dal Para Varda, olache n ël é rové cun l’auto massa infora da strada y é spo coreté sura tlander, arsin sön tët y ...

Tl comun de Badia él bele trëi candidac da ombolt che á descurí les chertes. Te Mareo él ciamó püch che s’armöi, mo bel plan vëigon valch al orizont
Sce an vëiga sciöche le terac politich vëgn scassé sö tl comun de Badia, spo él te Mareo n chít feter demorvëia, olache an tëgn intant les chertes scialdi curides: al n’é ciamó degünes listes nöies, degünes propostes litales particolares, y a livel ofizial gnanca ciamó n candidat da ombolt nü. Valch podess se cambié do les prelítes, che sará chësc fin dl’edema a La Pli y Rina. La sora cossa che é al momënt sigüda, é che l’Ombolt atual se candidará ciamó n iade por le scagn da pröm zitadin. ...

Le vënt sofla inant y ti dá da sćiampí a tröc raiuns dai schi. N video de Sulden desmostra tan debota che al sofla.
Al é i dis dl gran vënt, che sofla inant ince chësc mercui ai 5 de forá. Sö alalt él gnü mosoré vënc danter 100 y 150 al’ora, jö a val án mosoré danter Gsies, Türesc y Prettau vënc cina 90 al’ora, scrí la Provinzia te n comunicat stampa, olache al vëgn splighé che le livel de atenziun "Alfa" resta por le momënt inant. 
Ince tla Val Badia él n gröm de implanc stlüt por gauja dl vënt. Sce an cuca ite tl sít de Dolomiti Superski, vëigon suradöt che l’Alta Badia la paia dassënn. La Roda dl Sela ...

La pista de Boà a Corvara é stada incö danmisdé scenar de n bur’ inzidënt, baldi cun n mort
N gröm de jënt rabësc de por de sön nostes pistes y baldi vëgnel a s’l dé val’ iade de burtes desgrazies. Insciö ince chësc lönesc ai 3 de forá incër les 11 danmisdé, olache al é sozedü na desgrazia sön la pista dl Boà a Corvara, che ti á costé la vita a n ël dala Ruscia. L’ël gnô jö por chëra che vëgn tlamada "La direta" - sciöche l’inom lascia bele pensé na pista plülere ërta. "Al é gnü completamënter roduntajö, jödapé él jü fora de pista y é spo salté te n lëgn", dij Raimund Irsara de Badia, ...

Sant Ojöp Freinademetz da Oies é sté un di pröms miscionars che á sorví a Hong Kong tla Cina. Süa vita é ince deventada n musical cinesc, che á ciafé reconescimënt a livel internazional.
Al ê ai 20 d’aurí dl 1879 che le miscionar jonn Ojöp Freinademetz da Oies rovâ a Hong Kong tla Cina, deboriada cun so compagn pater Johannes B. Anzer. Rodunt 140 agn dedó él gnü porté sön paladina a Hong Kong n musical che reporta la vita y la misicun dl Sant, da süa nasciüda tla Val Badia a so operat a San Martin cina a canche al á lascé süa tera por rové te na post tan dalunc y forest. N post olache al á albü cotan da sćiampí y ince da sofrí, n post che l’á porté a deventé instësc n cinesc.
La ...