La Usc di Ladins

Enstadì la FBP Cassa de Fascia, Primier e Belun l’à premià i miores studenc di teritories olache la opera, n bel segnal de vejinanza e sostegn concret ai joegn che dezide de investir temp e energie tel percors scolastich e universitar. Ence chesta aisciuda, descheche sozet da passa 20 egn, la banca de la comunanza à dezidù de ge sporjer didament con n contribut economich a joegn e joenes che del 2023 à fenì con bon ejit sie percors de studie: a la zerimonia de premiazion à tout part 82 studenc, anter chi che l é stat spartì en dut na soma de zirca 42 mile euro. 

A la premiazion, metuda a jir en vender ai 6 de oril a Moena te teater Navalge, do i saluc istituzionai da man del president Carlo Vadagnini e de l’assessora a la cultura del Comun de Moena Cristina Donei, l é entervegnù ence l climatologh e divulgator scientifich Luca Mercalli, che l à portà dant reflescions enteressantes su la problematiches senestres de anchecondì leèdes al sciudament global. 

De più su La Usc stampèda de en vender ai 19 de oril.   (Thomas Zulian)