La Usc di Ladins

Comentar de pruma
Ponsun ma positivamonter: en cösc ann é les atletes de Copa dal Monn a Al Plan davëi »primedonne«. Al sará ma agonism, zonza publich, zonza complimonc dal publich, zonza abrac con i fans. Döt tla tele­vijiun internazionala. En cösc iade é le sport al pröm post y al zënter, deache le rest é desdit – baldi! I án la plü bela nëi sön pista, la plü bela contrada encëria, en invern desche al alda da ester aladó de nosta enma­ginaziun naturalistica, mo n'é nia dagnora ensciö.
Na gara de Copa ...

Düc i ciamps dla vita da vignide, dötes les porsones, dai plü gragn ai plü pici, é gnüs atocá – te val' manira – dal virus. Sciöche ara ti vá ai mituns y ales mitans dla scolina te chësc tëmp tan malsigü ti unse damané ales coordinadësses dles scolines da La Ila y da Corvara, Daniela Sorarú y Tanya Profunser
Al é da oramai feter n ann incá che la vita dla gran pert dla jënt é mudada. Danter stlütes y restriziuns á döta la sozieté messü se adaté a na situaziun nöia, particolara, fata de tëmes, crüzi y malsegurëzes. Mo impó orunse düc canc vire, se gode nosta vita. Y dantadöt ne orunse nia ti la fá pesé ai plü pici. Te scolina ciara les educadësses da ti lascé liberté y da ti scinché ligrëzes ai mituns y a les mitans, mo impó se fej i pici domandes sön le virus. Danter stories, proiec y ativités ti ...

L’Istitut Cultural e l Grop Ladin da Moena à volù ge sporjer n recognosciment a la artista e scritora ladina de 98 egn da Moena enciasèda jun Busan

L’é stat n belot moment, chel metù a jir en lunesc ai 11 de jené, canche la Presidenta e la Diretora de l’Istitut Cultural Ladin “majon di fascegn”, Lara Battisti e Sabrina Rasom, ensema co la Presidenta del Grop ladin da Moena Angela Chiocchetti, les é jites jun Busan per ge portèr sie omaje a Veronica Zanoner-Piccoliori del Tinoto Gabana, artista e scritora ladina de 98 egn.

De più su La Usc 03 di 22 de jené

La Copa del Mond de brea à fat tapa en Austria per n slalom strent paralel. Venta talièna, quarti per Bagozza, otaves per Felicetti
Dò la festa russa en Svizra tel slalom lèrch, ai 12 de jené la Tèlia se à tout endò la scena de la brea con l podie de Aaron March che a Bad Gastein l se à piazà adertura sul sciaier più aut, medaa de or de Copa del Mond. Dò la califiches e n bel percors envers la finèla su la neif austriaca, l sudtiroler aessa en realtà taà l travert da second, batù dal rus Dmitry Loginov per 24/100, ma l joen clasc 2000 aea purampò inforcà te sia ultima proa e l’é stat per chest penalisà e passà en 2^ ...

Chisc dis él indô n iade tl’aria la probabilité de n lockdown nü. La Ciamena di Mënacrëp y Mënaschi de Südtirol se damana che an pois impó jí fora tla natöra
"Anfat co che n lockdown nü ciara fora: la Ciamena di Mënacrëp y Mënaschi de Südtirol s’aspeta che al restes inant l’azes lëde ala natöra y tles munts, ince sura i confins comunai fora, sambëgn tignon ite les mosöres de sconanza anti Covid." Insciö mët man le comunicat mené fora da mënacrëp y mënaschi ai 21 de jená. Da dí él che cina ciamó unse por fortüna tres podü fora tla natöra, ci che an vëiga ince dala tröpa jënt sö por munt. 
Impó ó mënacrëp y mënaschi jí söl sigü: "Nosta natöra ...

Edith Demetz marideda Lardschneider, 81 ani, ova mparà da si pere Luis da Pilat a ziplé crisć. La ie al didancuei una dla pueces che zipla mo crisć a man, tla man. N juebia sëira ai 21 de jené iel da audì sun l Radio Rai tudësch dala 18.05 nchin la 18.30 ntan la trasmiscion "Unser Land" de Barbara Wiest, coche anda Edith da Pilat conta de si pascion per l ziplé. FOTO: Edith Demetz da Pilat marideda Lardschneider.

Ra comunità r'à fato danoo el so voto a ra Madona de ra Difesa, cemodo che 'l é da pi de siezento ane. Ra mesa granda co vescovo, ma con poca śente, e dute indalonśe, par ra marescia: »Beśen stà aduna«
Ra śente d'Anpezo ra s'à ciatà danoo inze el santuario de ra Madona de ra Difesa, par el voto a Maria, fato del 1412. Sta ota 'l ea poca parsones inze chera jeja, martes ai 19 de jenaro: noma chi che podea, par ra regoles su ra marescia Covid-19.

Deplù te la edizion dl 22 de jené

Laureà a l’Università La Sapienza de Roma con n Master en marketing di servijes. L tolarà l post de Andrea Weiss che col meis de messèl l jirà en penscion.
Sarà Paolo Grigolli l nef diretor generèl de l’Apt de Fascia. L tolarà l post de Andrea Weiss che jirà en penscion col meis de messèl. La selezion del nef diretor de l’Apt la é stata via per l meis de dezember da na comiscion metuda sù aposta con ite: Fausto Lorenz, president de l’Apt, Elisa Maccagni, vizepresidenta, Patrizio Prandi, conseier, Andrea Weiss, diretor, e, desche comissères da fora Laura Salomoni, esperta de ressorses umanes e scouting del personal e Daniele Dezulian, espert de ...

Dan trëi mënsc iel unì metù su na Task Force turistica cun leprò i trëi presidënc dla Lies de Turism – un ie for nce presidënt dl’Assoziazion de valeda – cun i ambolc, de Gherdëina per rujené regularmënter dla cuestions y problematiches atueles, nia mé de Covid-19, ma nce de urbanistica, de mubltà, de ambient o de frabiché. DL FOTO: I trëi presidënc dla Lies de Turism de Gherdëina. Da man ciancia, Christoph Vinatzer per Sëlva, che ie al mumënt nce presidënt de Dolomites Gherdëina Marketing, ...

Nasciuda ie chësta manifestazion artistica tl 2008, tl cuntest dla Manifesta 7 de Südtirol, y se tulova dant de ti dé esprescion y ti lascé lerch al’ert cuntemporana. La Bienela Gherdëina ie stata bona de fé si streda de chësc viers, arjunjan n livel nternaziunel. Ma coche for vën l nuef nce udù cun uedl critich
N ova scumencià cun na mostra de ert moderna tl zënter dl luech a Urtijëi, cun n valgun artisć de Gherdëina y de Südtirol. Da iede a iede ie la manifestazion chersciuda, uni doi ani, cun na vela for majera de artisć, che criva for plu y plu formes nueves de ert, de esprescion tres l’ert. Nciarian tl 2016 l curadëur Adam Budak à la Bienela Gherdëina veramënter fat n saut inant unian nternaziunela, ma no mé. Budak à bën trat ite artisć nternaziunei, ma lseàdamandàcheisedebejucun ...

Nadé y Nanü dl 2020 se recordarunse por dagnora. Al é sté n tëmp chit, zënza sciori. Por valgügn él sté n tëmp de pesc, por d'atri n tëmp de tëmes y crüzi. A vigni moda él sté n momënt unich, che i un orü recordé tres les esperiënzes de nüsc leturs
Le 2020 é sté n ann particolar. Por döt le monn. Y insciö é ince stá particolars i complianns che i ún festejé tratan le 2020, Pasca é stada atramënter, les festes de dlijia é gnüdes tignides te na forma particolara y sambëgn é ince les gran Festes de Nadé y Nanü stades desfarëntes. Uniches. Chësc virus – tan pice – é sté bun da revoluzioné la vita dla popolaziun mondiala. Al n'é de chi che á messü lascé jí porsones amades a gauja dl virus, d'atri á pordü le laur; al n'é de chi che á messü dé ...

Te la seconda puntata de en vender ai 22 de jené se podarà veder i paesajes de noscia val e sentir la testimonianzes de Filippo Riz, don Mario Bravin e Maria Bosin
La jent e i paesajes de Fascia e Fiem sarà i protagonisć de la seconda puntata de »Vulnerabili, atti di speranza nella pandemia«, la trasmiscion diozesana che vegn manà fora en vender ai 22 de jené da les 20.30 su Telepace Trento e en streaming sul canal YouTube de la Diozesa. Chesta trasmiscion se met dant de lejer i desvalives aspec de l’emergenza travers l test de la Bibia, la paroles del Piscop de Trent don Lauro Tisi e la testimonianzes regoetes sul teritorie. L test di Ac di Apostoi che ...

Domenia ai 17 de jené l’é scomenzà i campionac di joegn, pruma venta per i Falcons te l’U.15
No l’era stat nience l temp de fèr festa per la pruma partida de la sajon che l’era stat comanà l stop: la sajon giusta scomenzèda se ferma, vegnìa dit, problemes per l contage del virus. Ades, con l’an nef e dò meisc, i campionac de hockey di joegn i scomenza endò da nef, sessaben pissé a na neva vida dal pont de veduda di calandères e con la speranza de poder, chest’outa, ruèr junfon a la sajon.
I prumes anter i fascegn a se trèr ite i feres per la neva partides l’é stat le U.15 e 19, con doi ...

Avisa dan dodesc ani à Barack Obamba scumencià si presidënza ti Stac Unic d'America. Ncuei, ai 20 de jené dl 2021, scumëncia la presidënza de Joe Biden, che fova l vize de Obama
20 de jené, for n di storich per i USA. Dan dodesc ani, tl 2009, ti ovi dat l bënunì al democrat Barack Obama, prim afroamerican a deventé presidënt di Stac Unic d'America. Joe Biden fova te chëi tëmps, doi legislatures alalongia nchin tl 2017, mo si vize. Da ncuei inant, ai 20 de jené dl 2021, iel ufizialmënter l 46ejim presidënt di USA. Tamez ite, ai 20 de jené dl 2017, fòvel stat l di de Donald Trump, per truep americans - y nia mé - do si cater ani de legislatura l piec presidënt tla storia ...

Na esplojiun á incö desdrüt deplü alzades de n frabicat dla capitala spagnola
Le foliet online "el país" baia de na esplojiun, te chëra che al foss mort deplü porsones. La pröma suposiziun dles gaujes dl dann y dl gran spavënt é l’esplojiun de condütes de gas.

Cina ai 15 de forá pó scolares y scolars dla terza mesana se scrí ite te na scora alta o profescionala. Inann él gnü amplié l'informaziun online.
Dai 15 de jená ai 15 de forá dl 2021 pó scolares y scolars dla terza mesana se scrí ite al ann de scora 2021/22 te na scora alta o profescionala de Südtirol. Por ti pité n’informaziun ampla y ajornada pita le Ofize Orientamënt scolastich y profescional na suravijiun de dötes les scores y de dötes les ofertes de formaziun tl Südtirol.
La plata pita informaziuns sön les materies prinzipales de vigni scora y ci interes che les scolares y i scolars dess ...

Al mumënt iel, mé te Gherdëina, plu milesc (!) de cunlauradëures tl ciamp dl turism che ie zënza lëur. La cossa ie tan plu dramatica ajache l 80% ie lauranc sajunei, per chëi che l ne n’ie deguna cassa ntegrazion.Deplù tla edizion stampeda di 22 de jené.DLFOTO: L tacuin ie tan che uet: te Gherdëina ne à al mumënt milesc y milesc de cunlauradëures tl ciamp turistich degun lëur, per la gran pert niancanó l mesun dl sustëni da pert dla cassa ntegrazion. Foto freepik.

Aladó dla tradiziun dá i presidënc nüs dl’America joramënt ai 20 de jená da misdé (ora locala dl Capitol). Incö ti tóchera al democrat y presidënt Biden che surantol le "sceter" da Donald Trump (che se sará nia ala pert dl insediamënt)
Incö se roda döt incër le presidënt nü Joe Biden y süa vize Kamala Harris che dará joramënt solënn a Washington y tolará spo ite la funziun tla Ciasa Blancia.
Joe Biden é nasciü dl 1942 y é insciö cun 78 agn un di presidënc plü vedli dla storia americana. Lapró se detlarëiel de confesciun cristian-catolica; cina sëgn é chësc ma sté un n iade le caje danter i presidënc dl’America: cun J.F. Kennedy.
Biden é sté dal 2009 al 2017 (döes legislaziuns de 4 agn la öna) tla era de Barack Obama ...

Dal lunesc al vender, da les 3 domesdì a les 7 da sera, se pel jir te la sales espositives, vijitèr l bookshop con la neva publicazions e veder la instalazion col filmat su “La Vivana e l cian".
Aldò de la ultima desposizions del goern, ence l Museo Ladin de Fascia à podù endodanef orir si ujes a la jent, respetan mesures de segureza pervedudes.

Te chisc tempes senestres per duc, l staff é a la leta per duc i fascegn che vel se emprevaler del temp desponìbol per se fèr na raida te la sales espositives dal lunesc al vender da les 3 domesdì a les 7 da sera e l’é avert ence l bookshop olache se pel troèr duta la publicazions, ence cheles vegnudes fora ti ultimes meisc, desche l Calandèr ...

»La cherdada dla natöra« é le titul dla mostra de chedri de Lois Irsara inaugurada ai 28 de dezëmber tla botëga Sport Kostner a Corvara. L'inauguraziun án podü odëi en streaming. I chedri é gnüs mostrá y acompagná dales parores de Francesco Ricci y dales melodies de »Die Ladiner«
Te n momënt olache la pandemia á stlüt sö döt cant s'á la Fondaziun Lois Irsara ponsé da organisé valch de bel. »Sce döt cant é stlüt, porvunse da nes daurí a nos instësc, a nos sciöche comunité«, dij Lisa Kostner che é coordinadëssa dla Fondaziun da dui agn incá. L'idea da fá na mostra cun i chedri de Lois Irsara ê bele nasciüda de novëmber. Adöm cun la familia Costa dl Hotel La Perla da Corvara ti án dé vita a n calënder d'Advënt cun i chedri dl artist ladin. Sön la plata internet dl Hotel ...