L é dassen n ensomech, chel che n grop de undesc joegn che studia o fèsc l dotorat te l’Università de Trent à vedù se realisèr enstadì, canche ge é stat comunicà che sie projet, che à inom Sparkle, l é stat cernù, soul te duta la Tèlia e ensema con demò n auter dal Belge, da l’ESA, l’Agenzia Spazièla Europeèna, per l Academy Experiments Programme.
Sparkle, n picol cubo de 10x10x10 cm. podarà jir tel spazie su la navizela Space rider e da lo veder la tampestes eletromagnetiches e tor su la informazions sui fenomens esplosives del Univers. Canche dapò l vegnarà de retorn su la tera i studenc podarà analisèr chisc dac. Tel ambient di enrescidores, e amò de più per i studenc, no sozet de spes che se posse portèr a compiment dut n projet dal scomenz a la fin: ideazion, miscion, regoeta e analisa di dac.
La sodesfazion de dut l grop é per chest dassen grana: Marcus Vukojevic ne à contà e podaron lejer de più su La Usc stampèda de en ven der ai 15 de mèrz. (Lucia Gross)
Da Dèlba fin tel spazie con l’ESA
L joen Marcus Vukojevic con n team de l’Università de Trent à vedù se concretisèr l ensomech: sie projet Sparkle é stat cernù per jir su la navizela Space rider.
Galaria retrac
View the embedded image gallery online at:
https://www.lausc.it/atualite/26641-da-delba-fin-tel-spazie-con-l-esa#sigProId5cfc5e25c0
https://www.lausc.it/atualite/26641-da-delba-fin-tel-spazie-con-l-esa#sigProId5cfc5e25c0