La Usc di Ladins

Le convënt de Heiligenkreuz á tut sö l’invit do le tëmp de proa pié ia l'ann passé. Söla Munt sacrala dl Tirol gnaral metü sö n zënter spiritual por les porsones y le raiun a Süd dl Prener. Jeun dess podëi deventé n post dla oraziun y dla incuntada cun Idî.
Al ne gnará – al momënt – nia istituí n priorat. I frabicac romagn al intern dl ensemble religius dl "Convënt de Jeun" aministré dala Diozeja de Balsan–Porsenú.
I vari da fá por concreté l’assistënza spirituala söla munt de Jeun gnará fac fora tles edemes che vëgn cun i colaboradus.
"I periun do l’oraziun por chësta funziun spirituala nöia de nosta comunité", scri l’Abat de Heiligenkreuz Maximilian Heim.