Les 310 usc dades jö dala jënt é gnüdes partides sö insciö: 110 ala scuadra Cile-Argentina cun le laur "Sburlun, nos sburlun!", 73 al secundo tlassifiché dala Letonia cun la scultöra dal titul "Aéde coraje da mëte man" (na alujiun ala pröma gara de Copa dl Monn de schi alpin dles ëres a Al Plan, che sará ai 24 de jená), 51 ala compagnia de artisć dala Mongolia cun le laur "L’ann dl ial".
Ala premiaziun tla Ostaria Runcac a Al Plan á tut pert na delegaziun dl’Assoziaziun Turistica d’Al Plan che mët da jí da 27 agn incá chësc concurs da ziplé internazional tla nëi a Al Plan, y ince na rapresentanza dla Assoziaziun Turistica de Sanciana, partner de chësta iniziativa (les scuadres realisëia impröma süa opera a Sanciana, denanco gní spo a Al Plan).
En chësc iade é les scuadres gnüdes da:
Cile-Argentina, Letonia, Mongolia, Talia, Ruscia, Singapore, Francia y Südtirol (öna na scuadra dala scora da ziplé da Lass y l’atra dla scora "Cademia" a Urtijëi.
En chësc ann cun le gran frëit y sorëdl de dé podessel ester vita lungia por les scultöres, che abelësc le zënter dl paisc d’Al Plan.
(Iaco Rigo)
Siëia, taia, rafa y lima: na figöra tla nëi!
Al Plan: 27ejim "festival dla nëi" y la scuadra de Cile-Argentina arjunj la maiú simpatia dl publich cun la scultöra "Sburlun, nos sburlun!"
Galaria retrac
- Al pröm post: "Sburlun, nos sburlun!"
- Le secundo pest dl publich ti é jü al laur "Aéde coraje da mëte man"
- "L’ann dl ial", laur fat dai artisć dala Mongolia
- Le terzet de Cile-Argentina, gnü pröm a Al Plan
- Les trëi scuadres premiades, cun Karin Oberbacher - vizepresidënta dl’AT Al Plan de Mareo, y Martin Resch - diretur dl’AT Al Plan de Mareo
- Les "copes tibetanes", ziplades da Lucas Riewe, Nicklas Walter y Hanna Von Spinn dla scora da ziplé la pera a Laas/Venusta
- Le "matorin dla nëi", cun i dui zipladus Nicoletta Silvestrin y Stefano Gottardo (scuadra "Italy II")
- Le laur "L’ona", dla scuadra franzeja
- "Pokemon GO" dla scuadra de Gherdëna (Lisa De Grandi, Greta Langgartner y Mara Bergmeister)
- La Ruscia se presënta cun le laur "La defenjiun dla fortëza"
- La scuadra de Singapore á realisé la scultöra "La chersciüda"
- Al pê n grop tla nëi, le laur dl duet talian ("Italy I") dal titul "fostü invernal"
- Odüda söla mostra alaleria dl vers dla dlijia d’Al Plan
- Pert dla galaria gnon ite te paisc
- Deplü colaboradus dl’AT d’Al Plan ala premiaziun di artisć
- En chësc ann stá desco corona vardiana sura les scultöres n laur extra: motif por la gara de Copa dl Monn dles ëres che sará ai 24 de jená 2017
- Ala festa de premiaziun a Al Plan röiel ince dagnora i rapresentanc dl’Assoziaziun Turistica de Sanciana
View the embedded image gallery online at:
https://www.lausc.it/la-usc-on-tour/4345-figoeres-de-nei#sigProId4d5de54637
https://www.lausc.it/la-usc-on-tour/4345-figoeres-de-nei#sigProId4d5de54637