Copa dl Monn a Al Plan ”incoronada” dal suzes

Data

26 de jené 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ince Al Plan y Plan de Corones scrí sëgn para la storia dla copa dl monn de schi. Le debut dla gara dles ëres sön la pista ”Ërta” ne podô nia garaté damí. Impresciuns fotografiches.
Ara é stada n suzes döt intoronn - la pröma gara de copa dl monn de schi ospitada a Al Plan de Mareo, le mertesc ai 24 de jená sön la pista ”Ërta”. Incër 6.000 porsones á orü ester iló por odëi davijin le slalom gigant dles ëres, sön na pista spetacolara, impegnativa y ince dër seletiva. N publich che an ne s’ess poester gnanca aspeté, te n de ia por l’edema che é ala fin deventé n de de festa. Y chësc é sté tan deplü na premiaziun por döta la mascin d’organisaziun, che á trat fora forzes y förtl por lascé garaté n evënt da recordé. Le tëmp spetacolar á fat le rest. Les temperatöres ê valgamia frëides, mo jö al travert i spetâl ales atletes n’atmosfera cialda y spirit sportif. Che la scuadra azzurra á spo concuisté le pröm post cun Federica Brignone y le terzo cun Marta Bassino, é stada la cherscia söla turta. Insciö á Al Plan y Plan de Corones dé n segnal sterch devers la FISI, desmostran da avëi tles mans düc i recuisic por ospité evënc de livel mondial. I ves pitun chiló na ligna de impresciuns fotografiches dla gara.

T’La Usc di Ladins di 27 de jená podarëise lí deplü. Manuela Mölgg nes á dit co che ara á odü la gara te so paisc, y Willy Kastlunger ciodí che al ne l’á dada sö gnanca canche ai ti dijô che al n’ê nia speranza.  (pablo)