I era beleche de cincanta, te chest temp anter Nadèl e Pèsca Tofènia, i bec e bezes, pìcoi, joenec e gregn, che se à metù a la leta te duc i paìjes de Fascia per portèr inant la veiora tradizion di ciantores de la steila, jan a portèr la bona noela te la cèses, ti hotìe, te la gejies e te la Ciasa de Paussa de Fascia.
A Vich enveze che i Trei Rees l'é jit stroz i agnoi.
En lunesc ai 15 da les 17.00 chi de la parochies de Don Andrea i se binarà per l'ùltima outa te gejia de Poza per la zelebrazion di bec per la miscions.
Chiò duc i retrac. Più informazions sun duc i gropes paìsc per paìsc su La Usc stampèda de vender ai 12 de jené.
I Trei Rees à portà la bona noela te Fascia
I retrac de Rees, Reìnes e pèstres, picoi e gregn, che à renovà ence chest an la veiora tradizion di Ciantores de la steila.
Galaria retrac
- I trei Rees che à portà la bona noela a Cianacei.
- La Trei Reìnes che é jites stroz a Dèlba e Penìa.
- La Trei Reìnes é jites co la steila fin sun Ciampac.
- La Ciampac à fat ruèr noscia tradizions ence anter i schiadores.
- I Trei Rees e i pèstres da Ciampedel.
- I Trei Rees e Reìnes da Pera é jic ence sa Moncion e ta Mazin.
- Rees e pèstres gregn a Poza i à ciantà bel per ladin e per talian.
- I Ciantores de la Steila da Soraga é rué ence tel Dom de Trent dal Piscop.
- Ence a Moena n bel grop de pìcoi e gregn va a portar la bona noela.
- Trei Rees e pèstres da Poza dedant a la gran cripela te Piaza del Malghèr.