La Usc di Ladins

L’é n boletin de vera chel che sention e vedon vigni dì a la televijion, sui sfoes e sui fonins. Vindò chi numeres l’é persones con inom e cognom, persones che se n va te noscia region, ma ence più davejin, te noscia valèdes. Bèsta orir l sito internet di necrologi de Fascia e Fiem, n’é un o ence doi al dì.

N muie de jent, chi che per fortuna te chisc dis stèsc ben, no se rende amò cont del padiment desmesurà di familiares de la vitimes, di malé te ospedèl o de chi jà copé dal Covid-19. Nia contac, nia saluc, nia strentes de man e bosc, nesciun confort da man de parenc, l’é l’acort e la desperazion. Chesta emergenza, te n muie de caji, nea perscin l rit de l’elech sènt e l derit de vegnir compagné te l’ultim viac dai genitores, dai fies, dai frèdes.

N mudament radical te la funzions, te la zerimonia de sepoltura e ti raporc anter familiares e la firmes che fèsc l servije per i morc. L’é contra natura morir zenza aer apede chi de cèsa. E l saon benon te nesc paìjes olache la comunanza te chisc caji se strenc semper de n gran numer apede  a la familia del mort per ge portèr vejinanza e orazions.

De più su La Usc stampède de vender ai 3 de oril 2020.  (Mnica Cigolla)