Prum de dut la persones positives no cogn più desferenzièr l refudam ma les pel trèr dut ensema te n bidon con cuerchie e pedal. I refudames cogn vegnir metui te doi o trei sachec, un te l’auter e chiò se pel trèr ite dut cant ensema: plastica, vierech, papier, vanzumes de cojina, metèl e dut chel che resta. Ence
View the embedded image gallery online at:
https://www.lausc.it/valedes-ladines/fascia/12333-refudames-coronavirus-muda-la-regoles#sigProIdf51eaf45ab
https://www.lausc.it/valedes-ladines/fascia/12333-refudames-coronavirus-muda-la-regoles#sigProIdf51eaf45ab
Se enveze no se é positives e no se cogn stèr en carantena se pel seghitèr a fèr la regoeta desferenzièda. I fazolec de papier, i couribocia e la maneces va metui tel sachet de chel che resta, miec durèr doi o trei sachec un te l’auter. Ge vel serèr ben e petèr demez, desche zenza.
I Comuns de Fascia à endrezà l servije de regoeta di refudames per la persones en carantena. Ge vel meter i sachec te un più gran, de chi neigres, empienì a na vida che chi che va a l tor i posse l ciapèr ite demò con na man. I sac gregn cognarà vegnir metui te n post sorì da poder apede, la sera inant che i passe a i tor sù. L servije vegn fat de lunesc per i Comuns de Cianacei, Ciampedel e Mazin e de jebia per i Comuns de Sèn Jan, Soraga e Moena. Ge vel se prenotèr e telefonèr te Comun o manèr na mail.
(mci)