Rondel por Picolin
Da d’altonn dess mëte man i laurs por la costruziun dl rondel nü tla burcia da San Martin
Bele ai 24 de ma dl 2022 â la Junta Provinziala aprové les carateristiches tecniches por la costruziun de n rondel tla burcia da Picolin. Ai 9 de messé de chësc ann á metü man la valutaziun dles ofertes gnüdes ite. "I tignun cunt da mëte man i laurs da d’altonn", dij le diretur dl ofize tecnich strades nord–ost Umberto Simone. "Le rondel nü a Picolin porta pro a plü segurté y dess rovëne miú le flus dl trafich", injunta l’assessur ala mobilité y infrastrotöres Daniel Alfreider. Le rondel nü sön la strada statala dla Val Badia ará n diameter de 32 metri y tolará ite le post dla burcia a T. Dlungia la costruziun dl rondel gnarál ince fat danü y renforzé le mür sura la burcia, che gnará sposté de 60 cm cuntra munt. Le proiet prevëiga n cost de 1,2 miliuns de euro. Por la costruziun él gnü invié 10 firmes da fá oferta. La surandada di laurs gnará fata aladô dl prisc plü bas. (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/27517-rondel-por-picolin#sigProId5f5bcd4bbc
https://www.lausc.it/valedes-ladines/val-badia/27517-rondel-por-picolin#sigProId5f5bcd4bbc