View the embedded image gallery online at:
https://www.lausc.it/atualite/26660-les-leghermes-ascognuedes-de-na-uma#sigProId6f453c58a0
https://www.lausc.it/atualite/26660-les-leghermes-ascognuedes-de-na-uma#sigProId6f453c58a0
Ara me cuntâ che so möt â sëgn n auto y che sce ara le periâ dër bel, spo la menâl bindicé a mëssa. Ince chësc de l’âra perié, y deache al â odü che ara ê bele scialdi tardia, âl dé pro. Mo le möt marizius se lasciâ aposta dlaurela y la uma se stê tres plü inré. "Ví ma sëgn, zënza röii massa tert ince sce te me mënes ia."
Le ploan ê na porsona che tignî l’ordin dër alalt. Al ne soportâ daldöt nia sce zacai rovâ massa tert a mëssa. Al ê por ël n sëgn de indiferënza y de superfizialité. Chi püc iadi che al sozedô, lasciâl da dí mëssa y brontorâ dan da düc, che la comunité s’al metess io bun do les orëdles. Y sce al ê na ëra che gnô massa tert, gnôl ciamó daidé dai compagns t’ostaria. Chësta uma n’â personalmënter nia fat la esperiënza, mo so möt se l’â gonot riüda para t’ostaria, canche i atri coionâ.
Sëgn âl la ocajiun da ti la cacé a süa uma. Porchël aspetâl y aspetâl, cina che al ê sigü che la uma ne foss nia plü rovada adërtora te dlijia. Y spo tizâl ciamó
View the embedded image gallery online at:
https://www.lausc.it/atualite/26660-les-leghermes-ascognuedes-de-na-uma#sigProId6f453c58a0
https://www.lausc.it/atualite/26660-les-leghermes-ascognuedes-de-na-uma#sigProId6f453c58a0
Chësc caje ne m’ái nia plü desmentié. Na te cativeria da pert de n möt chersciü m’á fat me, le stil dl ploan é stada por me na racomanaziun. An dess s’la ponsé sura dër bun denanche castié. Sce l’ordin y la disciplina ciafa na valüta massa grana, spo ési dër d’öga por ti gaujé dolur ala jënt. An n’á gnanca bria da ponsé ai ciamps de conzentramënt. Te nosta sozieté dl druch y dla prestaziun, ciafunse chësc prigo gonot assá.
Traduziun fora dal liber "Seelsorgliche Erfahrungen in Kirche und Schule – Mit 90 Jahren blickt Josef Granruaz zurück und voraus", 2023 Le liber de siur Sepl podëise ves desćiarié debann sot ala plata dl Vinzentinum: www.vinzentinum.it/ueber-uns/service/news-und-termine/granruaz-buch