L é temp de resultac tel paslonch, che te la ultima setemènes i à metù al luster la bela forma del atlet Giovanni Ticcò, clas 2000 da Moena, nez del olimpionich Ottavio Compagnoni, che fèsc pèrt de le Fiamme Oro.
Te la fin de setemèna dai 15 ai 17 de mèrz Ticcò l à tout pèrt a la garejèdes finèles de la Fesa Cup, (ex OPA Cup) recuperèdes a Toblach do esser sutèdes a Premanon te la Franzia.
En vender ai 15 l é stat la sprint a tecnica classica, en sabeda ai 16 la 10 km a tecnica ledia e en domenia ai 17 la stafetes.
Te la pruma giornèda, do aer vent la calificazions, Ticcò se à ampò fermà ai chèrc de finèla, ma l se à tout la reventa l dì do te la 10 chilometres a tecnica ledia, olache l é ruà prum col temp de 24:28.6, dedant da Giandomenico Salvadori a +2.5 e a Martino Carollo a +18.1.
De più su La Usc stampèda de en vender ai 29 de mèrz. (Lucia Gross)
Giovanni Ticcò campion talian
L atlet da Moena se à vadagnà doi medaes de or a la Fesa Cup a Toblach e i titol talian te la stafeta a Pragelato, te la squadra B che tolea ite ence Anna Comarella de Ampez.
Galaria retrac
View the embedded image gallery online at:
https://www.lausc.it/sport/26833-giovanni-ticco-campion-talian#sigProId6f93237c41
https://www.lausc.it/sport/26833-giovanni-ticco-campion-talian#sigProId6f93237c41
