La Usc di Ladins

El Sestier de Alverà ‘l é stà paron in ciaśa sora, su ra monte de Son Śuogo, par el Palio 2024, ra tre gares de ra Corsa de i Sestiere. Mancia gnee, śo inze ra val, co sto inverno cioudo, co ra pioa de febraro, a delegà chel poco che ‘l ea. Coscita chi de i Sestiere de Anpezo i à pensà sora e i à deziso de fei duto su chel śuogo, a 1.800 metre, agnó che de gnee in é senpre, da noenbre fin d’ousciuda. Sarae da pensà sora, canche se parla de i schie da fondo in Anpezo, par el sport e par el turismo, e de fei algo depì e de meo, lasù su chera pistes.
Canche i à tacà col Palio, del 1936, ‘l ea noma ra gara de i ome; dapò ‘l é ruà ra femenes, śa cuaranta ane; dinultima i pize, chi pi śoen. Propio lore i à fato ra prima gara, anche sto an, e à vento chi da Nert, con Nicolò Alverà, che ‘l é stà anche el pi svelto de dute, con, Andrea Cagnati e Cecilia Gaspari; dapò de lore ‘l é ruà Śuel e Ciadin. Sote el podio ‘l é restà Azon, Ciae e Cortina

Deplù te la edizion dl vender, 16 de fauré.