La Usc di Ladins

El Carnaal in Anpezo no n’à chera tradizion che ‘l é in outra vales, anche in śiro par ra Ladinia de ra Dolomites. Mancia anche ra mascores, cheres che pó ruà da ‘l vecio in fora, cheres che se vede in Fascia, par in dì una. Gnanche inze ‘l museo etnografico no se ciata nuia, che see una faza de len intaiada, un volto da bel o da burto, che ‘l é duto d’intorno, par ches’outra vales.
Coscita par Carnaal i parecia algo par piaza, pichesee i doi dis de Śoiba e Martes gras, algo de ‘l domegna. I anes pasade ‘l ea el comun, co ra so sozietà Gis e dapò Seam; ades ‘l é ra asociazion Cortina for us, chi de ra boteghes par piaza. I fesc algo pichesee par i pize, par ra famea, che và par mascora.
Chel che vanza ancuoi de ra tradizion ‘l é el Palio, ra gares co i schie da fondo, che però nasce del 1936, con alcuante de ‘l paes, aduna con Sanzio Vacchelli, che inalora ‘l ea dotor de ‘l ospedal Codivilla Putti e podestà fascista de Anpezo.

Deplù te la edizion dl vender, 16 de fauré.