La Usc di Ladins

Una sera de bona musica, sonada da doa femenes: ‘l é chel che podon se spetà da ‘l conzerto de r’anpezana Margherita Menardi Diornista e Vittoria Fait, sabeda ai 2 de marzo, dares 20.45, a ra sala Enrico De Lotto a San Vido, aduna co ra asocia­zion de promozion de ra musica Sanvitese e con el Comun de San Vido.
Margherita r’é ben conosciuda in Anpezo, par el so amor par ra musica, scomenzà canche r’ea ‘na famea, pasà par ra Banda de Anpezo, agnó che ra sona ancora, canche ra pó, e pasada par el liceo musicale de Trento e par el Conservatorio de Bolzan. Trope i ra conosce anche parcé che era r’é ra vosc de La Usc, ra lieśe chesta gaśeta, duta ra setema­nes, par Radio Cortina. E ‘pò r’é una de chera tośes che ciaton su in Noolou, a lourà inze ‘l rifujo, canche ‘l é d’istade, aduna con so sorela Emma Menardi Diornista, che ra ‘l fesc śì.

De plu tla edizion stampeda de La Usc di Ladins o sun l e-paper a paiament www.lausc.it/e-paper