La Usc di Ladins

Lunes ai 19 de febraro ‘l aea da sco­menzà el laoro, inze ‘l cantier de Ronco, da fei su ra pista da bob noa, par ra Olimpiades d’inverno 2026, inveze no s’à vedù nuia, né ome, né machines.
Chel di ra asociazios de anbien­talistes aea ciamà ra śente, contra chel laoro, e ‘l é ruà calchedun, pichesee da fora, ma poche, gran poche da Anpezo, da i contà su i diede de ra mas. Calchedun de ‘l paes ‘l é śù anche par vede cuanta śente che ‘l ea e ce che i dijea, ma de seguro el no n’ea contra ra pista. R’à un’outra pugnon Patrizia Peru­con, che r’à tegnù aduna el presidio, parcé che manciaa Roberta de Zanna Bianco, consiliera de comun par Cortina bene comune, che ra s’à fato mal co i schie: »L é śù duto ben, ‘l ea ben da śente: anche se ‘l ea de un lunes, un di che se laora, ‘l é ruà śente da Anpezo e dal Cadore, outre da pi indalonśe, da ra Pustertal, agnó che i à i medeme zavarie che on nos; outre i é ruade da Venezia, da Treviso, finamai da Milan« – ra me disc Perucon. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper