La Usc di Ladins

Ra Cooperatia de Anpezo ra dia ‘na man a ‘l projeto »Va pian, che te sos un esenplare unico«, nasciù par i domandà a ra śente de no core par strada co i automobiles. Par insegnà chesto, i à betù fora, parpiaza, ra machina Frangivento, ra supercar disegnada e fata su da Giorgio Pirolo, che ‘l é śù a petà ‘l an pasà, canche i à fato ra gara de machines Pedavena – Croce d’Aune. Incraota Pirolo éśù fora de strada, su ‘na voltada, ‘l é pasà intrà doi guard rail, ma el no s’à fato nuia, e gnanche Yeva Kostenko, che r’ea con el, su chera machina. Par fortuna no s’à fatomal gnanche ra śente che vardaa ra gara. Se pó vede el video de chel che ‘l é suzedù, su par i social, che ‘l é stà vardà pi de zincuanta milioi de otes. Par chesto Frangivento e el Comun de Belun i à pensàde portà chera machina in śiro, da ra fei vede e da fei pensà sora ra śente, che no n’é da core, canche se và par strada.

De plu tla edizion stampeda de La Usc di Ladins o sun l e-paper a paiament www.lausc.it/e-paper