La Usc di Ladins

I à desfato chi śoghe de len, che i aea betù su chel col sora Sopiazes, sora el tennis e ra palestra da ranpinà Lino Lacedelli. Là r’à da pasà ra pista da bob noa, par ra Olimpiades 2026; là i aea beleche roesà ra piantes, tolesc via chi poche laresc che ‘l ea vanzà, i anes pasade, propio canche i aea fato su el parco par ra famea, da śuià, da smatiśà. I à tolesc via anche chi cuerte de len che ‘l ea poco pi in outo, pede el piazal de el Bob bar, che i aea fato su, par podé se bete a sosta a magnà, con alcuanta toures e bances. »No vien strazà nuia, se podarà dorà duto danoo – el me disc Giorgio Da Rin, louda­duó de comun par i laore – parcé che Società infra­strutture Milano Cortina, che ra fesc su ra pista da bob, ra s’à cordà co ra dita che aea betù chi śoghe, coscita da i desfei nafré areota, zenza roinà el len. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper