La Usc di Ladins

»Se te vas inaante co ra pista da bob, te fajon fora«. Chesto i à scrito a man, su un sfoi, che i à mandà al capocomun anpezan Gianluca Lorenzi Chenopo. El ‘l à pasà ra letra a ra polizia e ades ‘l é ra majistra­tura che varda drio, con chera de ciatà ci che ‘l é stà. No sarà fazile, ma sarae bel saé ci che ‘l é sto arnaśo zenza corajo, gnanche bon de bete el so gnon, sote ra so braures.
»No me sà bel ciapà chesta letres – me disc Lorenzi – ma de seguro no me spaśemeo. I poliziote i stajarà de sguaita, intor ciaśa mea, in comun, ma no muda nuia. M’à fato stà mal a vede che ‘l é śente coscita catia. Un jesto coscì no sarae da el fei mai, tanto manco par un laoro aministra­tivo, de comun. Dapò Lorenzi el śonta: »Ci che à scrito no capisce nuia de aministrazion, ‘l é un stanpion, parcé che ra pista da bob no n’é un laoro de el Comun de Anpezo. Se sà che no in consilio son aduna con chesto projeto, deboto dute, ma no ‘l fajon. Nos on pi acaro de vardà oute laore, pichesee par ra strades, che restarà dapò de i Śoghe d’inverno 2026«. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper