La veia scrita I.R., che tel lurier de restaure era stata lascèda fora, fèsc ades bela parbuda su la sezion del Museo a Ciampedel.
Fin da canche del 2018 l Stont de Ciampedel era stat restaurà da la Provinzia de Trent per enteressament de Gabriele Valentini “Mambo”, del Comun de Ciampedel, di Scizeres de Fascia e de l’Istitut Cultural Ladin, i medemi Scizeres, en particolèr Manuel Adami, e la storica Maria Piccolin, aea uzà fora l problem de na scrita che era stata desmentièda. “L’é n pecià – i aea dit – che te l’intervent de restaure no sie stat tegnù en conscidrazion duta entrìa la veia scrita che l’era sul frabicat: ti ...

Paolo Rasom é jit a portar sia musega e n toch de noscia storia sun Paradis
En sabeda ai 21 de setember, amò inant che vegne dì, Paolin de Rasum da Poza l’é stat chiamà apede a Catina e al picol Milio, per pussar te la pasc del Segnoredio.

Te pec dis (ai 29 de setember) l’aessa festejà 90 egn: béleche n secol de vita, n temp lonch, te chel che Paolin à lascià n segn fon e n ejempie gran. N ejempie che é stat contà e recordà te chisc dis da n muion de jent che se à strent entorn ai 6 fies e a soe familie, da le parole de don Andrea endana la messa te la gejia stracolma e ...

Andrea, Giuseppe, Ermanno, Armin à fat la storia de chest gran alberch che festeja 150 egn de vita e che l’é vidà anchecondì da Derik Detone.
L'é da creer che ben pecia persones cognosce la storia de chel che anchecondì l'é l'Hotel Croce Bianca de Cianacei, semper portà inant da la familia Detone.

Na storia che scomenza acà 150 egn ai 2 de setember del 1869. Enlouta, la locanda l'era n molin (da chiò fosc l sorainom de familia Del Gnoch), che dapò à tout l'inom de »L'Ost dal Bosch«, dalajà che la strutura la se troèa anter i èlbres. Apontin del 1869, per la pruma outa l'à abù la lizenza per vener a la jent vin, sgnapes e beandes ...

L Comun general de Fascia à reorganisà la regoeta con neves bidons per l carton e na neva APP per la prenotazion de la desgorta.
Via per chest an 2019 l Comun general de Fascia à cognù envièr via na lingia de mudamenc te la gestion de la regoeta e de la desgorta del refudam per ge jir dò al 4° ajornament del Pian provinzièl che perveit la standardisazion de la regoeta desferenzièda, percheche sun dut l tegnir provinzièl sie n soul model de gestion. 

A chesta vida l Comun general de Fascia à cognù pissèr a reorganisèr ence l sistem de regoeta. Chest servije, out più che auter a la utenzes no privates (ativitèdes e ...

Con n fin de setemèna rich de evenc se à serà sù i festejamenc per l cedean del Grop da Mont de la Val de Sora, che era scomenzé jà dal prum de setember.
Doi gregn èlbres da stravardèr e valorisèr, n pin e n lèrsc particolères e maestousc, loghé sul tegnir de Cianacei, restarà a recordèr i 50 egn del Grop da Mont de la Val de Sora. En vender ai 13 de setember, tel chèder di festejamenc del grop, ge é stat metù apede na tabela te 4 lengac, fata en colaborazion con la Forestale, che spiega sia carateristiches.
N bel segn, che simbolisea l’amor e l’atenzion del Grop per sie ambient da mont.
Ampò l’é ence n muie de autra la scomenzadives che la Sezion ...

Energìa green, fibra e inteligenza artifiziala: l grop de Busan porta inant desvalives projec con la doura de la neva tecnologìa. Danilo l’é responsabol del grop Application de Alperia Fiber.
L setor de l’energìa l’é dò che l muda n muie en prescia. La doura de fontane de energìa renovabole, neves sistemes per na doura semper più efizienta de l’energìa e l’oferta de sistemes inovatives se slaria fora semper de più. Te chest ciamp l’é dò che se taa fora n post de aut livel l grop Alperia de Busan che laora te desvalives ciampes per far a na vida che l Sudtirol dovente na Smart Region al pas coi tempes e per slariar fora l model de n ecosistem sostegnibol e inovatif te duta la Talia. ...

Doi studenc fascegn ne conta de l’esperienza linguistica fata te la zità de Galway ensema a si compagnes e i dozenc Thomas Zulian e Marzia Comini
Ence chest an n grop de bec de la classes terzes de la scola autes de la Scola Ladina de Fascia à abù l met de jir doi setemènes te l’Irlanda te la zità de Galway. A chesta scomenzadiva à tout pèrt 27 studenc di trei licees, dessema ai dozenc Thomas Zulian e Marzia Comini. 

Dai 24 de aost fin ai 7 de setember i studenc se à dat jù con gaissa per se miorèr te l’ingleis: apede a n cors de lengaz de 40 ores, i studenc i é stac a dò a dò a contat con jent irlandeisa, i à cognosciù sia cultura e ...

L salut de la cater bandieres del Fascia Balon: Cristoforo Debertol, Daniele Deluca, Manuel Bernard e Patrizio Cigolla taca i ciuzé al ciodo
“Setember, l’era setember, enlouta se aon lascià”, ciantèa i GoldenTrio te sia cianzon d’amor. La musega del grop fascian contèa l sentiment anter doi enamoré, ma sessaben che l’amor se pel l descorir ence te etres ciampes de la vita, podessa esser envers na pascion. Amor e pascion, doi motives che spenc la persones a dezider, a ge jir dò a la pedies del cher, a na strèda segnèda ti ensomesc e te la lum di eies de n bez. Amor e pascion l’é stat cauja e motif de la carieres de cater jiadores de ...

Dai 5 ai 8 de setember a Cianacei se à endodanef binà sacotanta jent
A Cianacei, l fin de setemèna passà, l’é stat festejà l caranteisem cedean de la Gran Festa da d’Istà. N apuntament storich e identitèr che vigni an l’é bon de binèr ensema i ladins de la cinch valedes del raion dolomitan. Cater dis de festa, olache l volontariat l’à desmostrà amò n’outa sie maraveous e gran valor.

A cajon del catitemp e de la pievia che zenza fin l’à fat vegnir jù dal ciel sia lègremes, la defilèda de en domenia la é stata descancelèda, ma no l’é mencià  l conzerton de la ...

Tras de più se veit jent con più che un cian e i li lascia jir daperdut, zenza respet per i etres
Da n pec de egn en cà somea che l cian, per compagnìa, ejibizion o auter, l’aessa tout l post di bec…

Tras de più se veit jent con no demò un, ma doi, ence trei cians tegnui e adoré, mené stroz te bagherle…

L’é doventà na moda e no creise che sie n besegn. Emben personalmenter peisse che dant de se enjignar n cian o doi sie na motivazion dantfora e soraldut vigni patron cogn pissèr a co l tegnir, tel respet di etres… de la jent.

Sun sie tegnir dant del dut e no olache mai, sun chel di etres o de ...

L’é peà via l’an de scola per béleche 1400 scolees e studenc e 200 anter dozenc e personal ATA. De zirca 200 i va tel nef Liceo Artistich. La Sorastanta Mirella Florian ne porta dant neves e projec 
En jebia ai 12 de setember à avert si ujes la maor azienda de Fascia. La Scola Ladina tol ite 1378 scolees e studenc da la Scolina a la Scola auta e l’à passa 200 dependenc: zirca 180 dozenc e passa 40 personal ATA. A vidèr dut l’endrez de chest setor fondamental per noscia comunanza che l’é la formazion de nesc joegn, se sà ben con l didament de duc i referenc di desvalives setores, l’é la professora Mirella Florian, Sorastanta de la Scola Ladina de Fascia oramai da 12 egn. Tel meis de aost ...

Per i 10 egn de Dolomites Unesco l’é stat metù fora te Piaz de Comun de Sèn Jan na bela esposizion de retrac de monts che tol ite duc i 9 sistemes che fèsc pèrt de la Fondazion
L’é na esposizion maraveousa e particolèra, chela che se pel veder amò fin a la fin de setember te Piaz dedant a la Cèsa de Comun de Sèn Jan: na scempia strutura de legn a foja de cadrat olache l’é stat metù fora 9 gran reproduzions di più bie panorames de la Dolomites. 

La mostra, che à per titol Leames Dolomitics l’é l frut del lurier e de la braùra de 9 fotografes, che vegn da vigniun di 9 sistemes che fèsc pèrt de Dolomites Unesco e che à sport i più bie retrac de crepes desche don per ...

Enstadì l’à ciapà parer favorevol de la conferenza di servijes de la Provinzia de Trent en merit a la valutazion de impat ambiental.
L’é de bela neves cheles che vegn da la sozietà Funivia Moena. En mèrtesc ai 3 de setember l’à ciapà zacan l parer favorevol de la conferenza di servijes de la Provinzia de Trent en merit a la valutazion ambientala (V.I.A.) sul projet de l’impiant portamont Moena-Valbona.

“No l’é stat sorì – scrif l president Maurizio Sommavilla su la piata Internet – e enceben valch prescrizion che jiron a meter a post coi tecnics spezifics de la Provinzia, aon passà via ence chest empediment che cruziava debel ...

Doi apuntamenc leé a la devozion: en domenia ai 15 de setember al Santuarie de la Madona di Set Dolor e en sabeda ai 21 de setember dal Sènt ladin Freinademetz 
Uton rich de scomenzadives per i sozi e i sostegnidores de l’Union di Ladins de Fascia. Dant da dut l president Fernando Brunel slèria fora amò l’envit a duc chenc a tor pèrt a la defilèda de la Gran Festa da d’Istà chesta domenia ai 8 de setember. En ocajion di 40 egn de l’event l’é stat dezidù de tor pèrt ence con n grop de la Union Generela di Ladins de la Dolomites e de duta canta la sezions de val che portarà fora per l paìsc de Cianacei la bandieres ladines e i bie colores di guanc ladins ...

En vender ai 13 de setember da les 17:00 a Poza, te Ciasa de Comun de Sèn Jan, l Comitat metù sù per ge dèr n nef endrez al moviment porta dant i fruc de sie lurier e l tol sù pareres, idees e proponetes.
Meter adum n nef endrez per l goern de noscia val, l’é chest l’obietif che se à metù dant l Comitat provisorie “Per na neva UAL“lità da la radunanza de la UAL ai 7 de jugn.

Te chisc meisc l se à dat jù endrezan scontrèdes con desvalives setores de la comunanza per meter dant riflescions, tor sù stimoi, meter ensema idees e proponetes concretes a livel organisatif e ades, ruà a mez mandat, l vel orir l confront con sia jent te la radunanza generèla.

Te la scontrèdes – disc i componenc del ...

Coi 30 de aost se à serà sù Istà per Bec, projet che compagna i bec te la Val de Sora ti meisc ciauc
Se aea dit dal prum de messèl ai 30 de aost, e coscita l’é stat. Doi meisc, doi meisc dassen piens chi de Istà per Bec, scomenzadiva che tol ite i tosec da la pruma populères de Cianacei a la pruma mesènes de Ciampedel. I 110 bec enscinué a podù viver n percorsc zis piajegol, pissà su mesura e zentrà soraldut sul sport, descheche da vèlch an i organisadores se à pissà de fèr.

Apontin l sport l’é stat protagonist ence de la festa endrezèda per serèr sù l’istà ence per l 2019: en jebia ai 29 ...

Se à serà sù n’autra edizion del projet con n bel spetacol final te Navalge
»Tema e biteboi tel paes di tosac. L’é sćiampà n pericolos criminal psichiatrich da la prejon de mascima segureza…«coscita l’é tacà ite l spetacol final de Istà Algegra, portà en scena en vender ai 30 de aost te teater de Navalge. Con chesta bela raprejentazion se à serà sù ence chest an l’esperienza positiva de 148 tosac che per doi meisc à tout part a le scomenzadive endrezade da la Sociazion Genitores e l Zenter Joegn de Moena con l didament de sacotenc sponsor publics e privac. I bec picoi ...

La Musega Auta Fascia à recordà la Gran Vera con paroles e musega
En domenia al prum de setember te Val Contrin se à recordà endodanef, dessema a la Musega Auta Fascia, la Gran Vera e la jent che n muie à padì endèna chisc egn. Dassen de valuta l’é stat l lech olache la Musega à dezidù de portèr dant sia notes, la utia Contrin, enlouta cognosciuda desche la Contrinhaus.

Chesta l’era endèna i egn de la vera, l Comando Militèr de Zona che tolea ite l batalion »Kastelruth«, ensema a l’Alpenkorps e a desvalives plotons de Kaiserjägers e mitralieres. Ai 6 de ...

Va inant la sajon de garejade de la 3Esse de Soraga
L’é stat temp de garejade tel Sudtirol per i atlec de la 3Esse de Soraga; defat, en domenia ai 25 de aost i é jic a Collepietra per tor part al SC Kadaun Trophy. L’era doi garejade chel dì: una da bonora per i sportives più joegn, olache l’era 3 picoi atlec de la sozietà de Soraga e, de dò marena, la garejada di più gregn, olache l’era 8 atlec fascegn. La competizion de la bonora tolea ite demò na part del percors di gregn, anter strade da mont e troes.
Chiò l’è stat fat bogn resultac: anter i ...

Ai 25 de aost l’é stat la 43^ edizion de la garejèda, i doi venjidores rejona fiemac
Anchecondì l mond de la corsa da mont l’é semper più pien de apuntaments. La voa de se meter a la proa, de troèr neves percorsc olà se mesurèr la é semper maora e per stèr al pas, nasc ogne an neva competizions. En domenia ai 25 de aost aboncont, se à coret na garejèda che à na tradizion veia e veiora, na corsa ruèda chest an adertura a sia 43^ edizion, l Trofeo Contrin.
Desche vigni an n bel grop de fascegn à volù tor pèrt a chesta classica de fin istà, dessema ence a n bon numer de coridores ...