Val Badia

media/k2/galleries/12106/thumbs/joneza_families.jpg
08 de merz 2020

Val Badia: jonëza dëida families

Families che adora n sostëgn chisc dis che al n’é nia scora, podess le ciafé tl grup Facebook nü "Jonëza dëida Families".
Le bojëgn porta ince pro ala solidarité y creativité. Insciö ince pro le Sorvisc ai Jogn Val Badia, che á daurí mefodër le grup "Jonëza dëida families", che dess fá rové adöm geniturs che adora na man y jonëza che é desponüda da la dé.
Chë jonëza che é chisc dis a ciasa, deache scores y universités é stlütes, pó se mëte a desposiziun por daidé families olache i geniturs mëss jí a lauré y ne sá nia olá ia cun i mituns. 
Umes y peri che adora zacai che ciara de sü mituns, pó te chësc grup ...
media/k2/galleries/12080/thumbs/magazin_2.jpg
08 de merz 2020

Ma la falzada ne plej nia

Aprové le secundo lot di laurs por l’ingrandimënt dl magazin di stodafüch y la costruziun di locai por la Müjiga, Cor, l’Aiüt Alpin y la garasc sot tera
Püc dis do che la Junta de comun â nominé le dr. inj. Hansjörg Letzner desco colaudadú tecnich aministratif di laurs fac dala dita cina sëgn y che fej pert dl 1. lot, ti á le Consëi de comun ciaré plü avisa al secundo lot dl proiet, cun la condiziun da mudé la sotrata dles falzades esternes dl frabicat.
Le proiet vëgn lauré fora dai architëc Albert y Armin Colz cun stüde a Balsan. Al prevëiga la costruziun de na garasc te tera, l’ingrandimënt dl magazin di stodafüc y magazin por l’Aiüt Alpin ala ...
media/k2/galleries/12099/thumbs/sorviscaijogn.jpg
07 de merz 2020

Degüna scora: la (Re)Aziun dl Sorvisc ai Jogn

Le Sorvisc ai Jogn Val Badia (re)agësc ales scores stlütes cun iniziatives implü por mituns y jonins.
Do le decret statal che á comané da stlü scolines y scores de vigni degré, él nasciü deplü iniziatives por i jonins tratan l’edema. Insciö á plü scores de schi dla valada arjigné cursc de schi aposta por i jonins dl post. Ince le Sorvisc ai Jogn Val Badia á metü en pé n program implü, che é, sciöche ai scrii, la (Re)Aziun ales scores stlütes.


Le Sorvisc ai Jogn Val Badia informëia porchël de ci che gnará fat tla edema dai 9 ai 13 de merz

Al Plan y Antermëia
I orars dl laur davert por la jonëza ...
media/k2/galleries/12079/thumbs/corvara_jena2016.jpg
07 de merz 2020

N "sce" al program por le svilup dl turism

Corvara: 8 aconsiadus sön 15 inviá á aprové le plann lauré fora dai esperc dla "Kohl & Partner Südtirol/Hotel und Tourismus Consulting". Alois Kronbichler en cunt dla previjiun di 1.100 lec lapró: "I messun ti dé tles mans ales families y ai jogn che á n hotel, na pensiun o n garní, la poscibilité da crësce inant tla motivaziun y rentabilité!"
Aladó dl espert dl setur Kronbichler é le plann gnü lauré fora tla perspetiva de svilup cuantitatif, por ti garantí ales strotöres familiares a Corvara n dagní motivant y rentabl. Kronbichler: "A Corvara unse chës 145 strotöres de alberch turistich de picera dimenjiun che á debojëgn da crësce. Porchël unse imposté le conzet söl aumënt poscibl de 1.100 lec indöt, y söl debojëgn ince dla realisaziun de plazes dai auti por ghesć y dantadöt por i colaboradus." Y sce la Junta provinziala ess da ...
media/k2/galleries/12098/thumbs/desdites.jpg
06 de merz 2020

Les mësses é, manifestaziuns toma fora

Les noeles vá sotissura te chisc dis di provedimënc sanitars por le "coronavirus". Insciö orunse ince atualisé valgünes informaziuns che gnará fora t’La Usc di Ladins de chësc vëndres ai 6 de merz
En mercui domisdé, canche La Usc da incö 6 de merz á messü jí en stampa, n’êl nia ciamó definí che al foss gnü stlüt dötes les scores dla Talia. I n’un porchël gnanca podü reporté les informaziuns frësches che i conesciun incö. Le virus á n pü’ trat sotissura la vita religiosa y ince chëra dl tëmp lëde.

Les mësses é, mo cun precauziun
Tles ploanies de Badia, La Ila y San Ciascian, olache an â tl pröm dit da desdí les SS. Mësses prefestives y dla domënia, án sëgn fat n vare zoruch: chësc do le ...
media/k2/galleries/12097/thumbs/raiunprigo.jpg
06 de merz 2020

I todësc dij che Südtirol é "raiun de prigo"

Le Robert - Koch - Institut dla Germania á metü Südtirol tla lista di raiuns de prigo dal "coronavirus". L’assessur provinzial Achammer: "Dezijiun tomperia, nia da capí".
Sciöche sce ara ne tlecass nia cun les mosöres de prevenziun che i un tla Talia. Sëgn él ince le Robert-Koch-Institut (RKI) dla Germania che se mët. Te süa lista di raiuns de prigo dal "coronavirus", ál ai 5 de merz injunté lapró ince Südtirol, dezijiun confermada ai 6 de merz dales 11:20. Inscioma, sce ara vá do la minunga dl istitut todësch, é Südtirol sëgn tan prigorus sciöche Wuhan tla Cina, Teheran tl Iran o la Provinzia de Gyeongsangbuk-do tla Corea dl Süd. Sciöche raiuns de prigo tla ...
media/k2/galleries/12060/thumbs/DEBURIADA_2020_02_01.jpg
04 de merz 2020

"Deburiada" cun a ce Thomas Pescollderungg

La lista á candidates y candidac da düc trëi i paisc, lapró deplü aconsiadus y assessurs comunai atuai
Tl Comun de Badia se posizionëia plan plan listes y candidac. Indó ala pert – ince en chësc ann – é la lista "Deburiada". Dl 2015 ára arjunt 7 mandac. Sciöche la lista scri "ciararara da sostigní le svilup di seturs desvalis – economich, sozial, cultural y sportif – s’impegnan da conscidré dantadöt la sostegnibilité dl svilup che pé val’ iade che sciampes fora dla man, dantadöt ti paisc turistics dl’Alta Badia. Chësc obietif podará gní arjunt sön la bona basa cheriada ti ultimi agn y ...
media/k2/galleries/12059/thumbs/partenariat.jpg
04 de merz 2020

Turism: "Prestisc é podëi dí de no"

La Cooperativa Turistica d’Al Plan/San Martin á stlüt jö n partenariat internazional cun la firma Swarovski Optik. »Na colaboraziun basada sön i valurs de ambiënt y sostenibilité«, dij le diretur Carlo Runggaldier
Ince te nüsc paisc turistics coltivëion bele da agn partenariac cun de gran imprejes de inom y pom, che fej retlam te nostes localités y mët porchël a desposiziun scioldi. Nia dagnora ne vá la filosofia dles imprejes bel a öna cun le spirit dles localités. N ejëmpl de sciöche ara ne dess do mia minunga nia deventé, ái odü a Kitzbühel en gaujiun dles gares de Copa dl Monn: pista y localité placatada cun retlam de na gran marca de auti, mo ci che m’á ciamó plü spordü: na plaza dl paisc denominada ...
media/k2/galleries/12055/thumbs/anjakostnergranruaz2020.jpg
03 de merz 2020

Nüsc hotí atocá dal "efet coronavirus"

La dorada dla sajun da d’invern cina Pasca é malsigüda. L’ostira Anja Kostner Granruaz dl Hotel Arlara a Corvara: "La tëma é grana, lapró vëgnel les restriziuns de Statesc y compagnies de jore!"

Incö, mertesc ai 3 de merz 2020, se descëda Covara cun na bela cutra de nëi frësca, bëgn chi 50 cm. L’aria é frësca, mo nia frëida, y é dantadöt bona, canche an la tira ite y jö ti fia. De chësc s’intënn ince i ghesć dl Hotel Arlara sura Corvara, che vá fora te sorá y sön terassa por ciaré sön n panorama de morvëia. Y por n momënt é le tema de gran atualité, le coronavirus, desfanté. I s’l’ún cuntada cun la ostira Anja Kostner Granruaz, co che le efet coronavirus vëgn vit y afronté chëstes ...
media/k2/galleries/12041/thumbs/Bildschirmfoto_2020-02-27_um_10.03.02.jpg
01 de merz 2020

Musiga y poesia

N pice recort a Fabrizio De André
Reflesciuns sön tesć de cianties pón se fá n gröm. Mo ma ël á scrit por vocaziun, ince religiosa, te na forma tlera y de livel te nosc paisc nazional: Fabrizio De André. Te söa jonëza ál studié iurisprudënza zënza stlü jö. Deache al ne s’odô nia tl dagní pro na mësa a lauré y do avëi lit Benedetto Croce che â scrit che vigni porsona scri poesies cina dejedot agn y chi che le fej do chësta eté, o che al é n dër poet o che al ne vel nia, ál spo tut la dezijiun da gní ciantautur. Rengrazié por ...
media/k2/galleries/12046/thumbs/codejel.jpg
29 de fauré 2020

Plü ladin te hotel

La Uniun Ladins Val Badia á da püch dé fora n codejel cun tröc ejëmpli y impulsc por adoré le ladin ince tla gastronomia y tla hotelaria
Bele dl 2016 â la Uniun Ladins Val Badia publiché le codejel "Dal ordin ala fatura", olache al gnô dé n gröm de informaziuns y impulsc sön co che an pó adoré le ladin te na dita artejanala. Sëgn él danman ince le codejel por la gastronomia y la hotelaria, che porta le titul "Dala prenotaziun ala vacanza". Le proiet é gnü curé da Giuliana Clara cun la colaboraziun dl presidënt dla Uniun Michael Moling. "I orun daidé porté ite le ladin ince tl ciamp dl turism y dla gastronomia", dij Giuliana ...
media/k2/galleries/12047/thumbs/camion_corvara.jpg
28 de fauré 2020

Camion te tiac a Corvara; inzidënt sön strada a La Ila

Intervënt incö danmisdé por i Stödafüch da Corvara. N camion dal pellets é pié ia su y á desfat n tiac. A La Ila él sté n inzidënt söla strada provinziala.
Intervënt por i Destüdafüch da Corvara en vëndres ai 28 de forá incër mesa dales 10. N camion ê rové adalerch por ciarié pellets pro le Residence Belavista. Da informaziuns che i un ciafé dal comandant di Destüdafüch Helmut Thaler, é le meso sciöche al pé pié ia su tratan le refornimënt, y é rové deplëgn te n tiac. Iló él jü cun la roda dant sura n mür jö. Deache al é dificoltés da rové pormez cun le tanch, é i stödafüch jüs sö cun de mëndri auti y á spo ciafé aiüt dai lauranc de Comun cun la ...
media/k2/galleries/12045/thumbs/astronomia_cil_satelit.jpg
27 de fauré 2020

Tres plü satelic "ajiëia" nosc cil da stëres

Tl dagní podesson odëi tl cil da stëres tres plü gonot "costelaziuns" enormes de satelic. La gauja stá te n proiet dl impresar Elon Musk
Al ê en jöbia ai 13 de forá da doman adora ch’i jô n toch a pe y ciarâ sö al cil. Al ê sozedü plü gonot che i odô n punt lominus che s’armoiô plü debota: al é satelic. En chësc de nen gnôl indere un indólater, düc ala medema destanza, düc feter te na linia rodunta. Ala fin n’ái cumpedé trëdesc. La jöbia dedó, feter dala medema ora indó na te’ morvëia. En chësc iade ne i ái nia cumpedá, mo al ê na dërta partida de lomins che s’armoiô da na estremité al’atra dl cil. Chësc á sambëgn descedé mia ...
media/k2/galleries/12039/thumbs/rait-san-linert_UGLD.jpg
27 de fauré 2020

Rait de San Linert: colaboraziuns suravalada

L’UGLD-Union Generela di Ladins dla Dolomites y le Rait Oswald von Wolkenstein tol pert ales ediziuns che vëgn
Le Rait de San Linert o Leonardiritt cun le presidënt dl’Uniun di ciavai norics dla Val Badia Enrico Nagler y le manajadú dla manifestaziun Manfred Canins á tut sö cun ligrëza l’interes da pert dla Union Generela di Ladins dla Dolomites da orëi tó pert ativamënter al rait y ales manifestaziuns de cornisc.

Al se concretisëia ince na maiú colaboraziun danter Leonardiritt y "Oswald von Wolkenstein Ritt". La novité é le "pest" tlamé "Oswald von Wolkenstein Leonardiritt Trophäe" che gnará da en chësc ...
media/k2/galleries/12019/thumbs/stefanotrevisan.jpg
26 de fauré 2020

Aspetan la mëssa noela de Stefano Trevisan

Do passa 50 agn sarál indó na mëssa noela a Al Plan: le jonn Stefano Trevisan la dijará en Domënia Blancia, ai 19 d’aurí.
Incö él Capiun y al á metü man por i cristians le tëmp sant dla Carsëma, le tëmp de preparaziun ala festa plü grana dl ann: la Pasca de Ressoreziun. Por la Ploania d’Al Plan, por la Val Badia y por döta nosta Diozeja ára iniann n tonn particolar, deache ara sará ince de preparaziun por n avenimënt che vëgn a s’l dé tres plü dainré: na mëssa noela. En Lönesc de Pasca ai 13 d’aurí dales 3 domisdé sarál tl dom da Porsenú la ordinaziun de siur Stefano Trevisan, jonn d’Al Plan che á tut la dezijiun ...
media/k2/galleries/12018/thumbs/87387182_3589522977787167_2945829080898994176_n.jpg
26 de fauré 2020

Roboc cuntra le coronavirus

La Cina adora sëgn so potenzial tecnologich tla batalia cuntra le coronavirus: roboc y aparac IA (inteligënza artifiziala) dëida
La Cina é tla "pole poition" tla tecnologia y adora sëgn döt le potenzial tecnologich por combate le coronavirus.

Retrat 1:
N robot dla polizia laora te na staziun de confin a Shenzhen. Autisć y passajiers pó scansioné söl display n codesc QR, por se registré tl azes ala cité. Lapró é bun le robot da moseré la temperatöra corporala dles porsones che é tl auto. (foto: Chinesische Volkszeitung Online)

Retrat 2:
N automat tl raiun cöce de Wuhan funzionëia 24 ores sön 24 y é bun da arjigné y partí fora ...
media/k2/galleries/12016/thumbs/schelet.jpg
25 de fauré 2020

Ciafada la fossa dl Gran Bracun

Nia dalunc da Col Maladët, cuntra Puntdabos, él gnü ciafé na fossa. I scienziá y storics ladins é sigüsc: al é i resć dl Gran Bracun. Ci che sona da matada da Carlascé!
Che le Gran Bracun é gnü copé te chël raiun ne cunta nia ma la liënda, mo bëgn la storia. Al â inom Franz Wilhelm Prack zu Asch, ê ciastelan y nobl a Brach a La Pli de Mareo y ê gnü copé dai nobli Colz dl 1582.
Che al sides gnü sopolí söl post dla tragedia? Al é meso, ajache chi agn n’êl nia ciamó les agenzies funerares y i auti dai morc. Lapró â i nobli Colz bunamënter orü fá ia döt atira y tl socret, por ascogne l’omizid.
La fossa ciafada en chësc de en gaujiun de laurs por mëte la canalisaziun ...
media/k2/galleries/12014/thumbs/carabiniers.jpg
25 de fauré 2020

Corvara: alcohol al volann

I Carabiniers da Corvara á abiné döes porsones cun n livel de alcohol trö’ massa alt
Le pröm fat é sozedü en lönesc sëra a Corvara, tratan che i Carabiniers dl post fajô controi tl zënter de paisc. Sciöche an lî dal comunicat stampa éra jüda insciö: te na plaza da parché de n bar iló dlungia, á i Carabiniers odü che n auto fajô manovra y é reflé ite te n ater auto chit. I Carabiniers orô pordërt jí a daidé, canche ai s’un á intenü che la ciaferia, na ëra de 32 agn dla provinzia de Pordenone, â zënza dübe boiü demassa. Atira ti ái fat le test, che á mostré n valur feter 5 iadi ...
media/k2/galleries/12012/thumbs/sub.jpg
25 de fauré 2020

I tröc corusc al bal da Carlascé

Por le terzo iade él sté a Badia na bela ocajiun por se incunté, se devertí y se mascheré
Forá é bele prësc passé y ince le bel tëmp da Carlascé é jü a piz. Chësta festa é nasciüda te nosta tradiziun sciöche tëmp por arjigné ca la jënt ala Carsëma, olache al ne gnô nia mangé cern cina Pasca. Bele sciöche la parora dij vëgn "carlascé" dal latin, "carnem levare", che ó dí tó demez la cern.
Aldedaincö é Carlascé dantadöt ince na ocajiun por sté n pü’ adöm y se devertí. Te chësc sëns él gnü ponsé dan plü agn al Bal da Carlascé a Badia, rové en chësc ann a süa terza ediziun.

Liéde do la ...
media/k2/galleries/12008/thumbs/michi-costa.jpg
24 de fauré 2020

"I me tëmi deplü dal mudamënt climatich!"

Coronavirus: Michil Costa, ostí a Corvara, baia de "psicosa coletiva". Tl’Alta Badia á sciori desdit la vacanza, do che al é gnü fora les notizies di infetá te deplü regiuns y provinzies dl Nord y les precaziuns tutes dales aministraziuns
Öna na cossa é l’importanza y la gravité dla maratia che le coronavirus gaujëia, l’atra é la relativité dla notizia che i caji de infeziun y mort s’alza da de a de tla Talia: al é aministraziuns publiches che desdij manifestaziuns (carnevalesches y sportives) y stlüj scores y dlijies. Un o l’ater la tol ala lesiera, dijan che le coronavirus n’é nia plü cröde co d’atri virus dl’influënza. Un o l’ater vir sëgn daldöt atramënter, ajache al á tëma dal coronavirus y dales conseguënzes.

Incö danmisdé ...