Val Badia

media/k2/galleries/12874/thumbs/lido-del-sole.jpg
16 de jugn 2020

"De bi salüc dal mer"

Impresciuns atuales da döes staziuns maritimes al tëmp dl coronavirus: Porto Rotondo y Bibione
Da mesanöt incá é i confins dl’Austria indó daverc ince cuntra la Talia. Les localités de munt y de mer spera do prenotaziuns y sciori, y insciö da podëi avié indó le motor usual dles ativités. Chësc podará sozede ma sce düc i sorvisc y döta la gama dl personal pó deventé indó operatifs.

Le foliet "La Usc di Ladins" á coiü adöm impresciuns de jënt y families dles valades ladines al mer. Do la findlédema cun tröpa jënt söles spones y ti paisc dl‘Adria – p.ej. – él chisc dis indó pesc y chit. ...
media/k2/galleries/12873/thumbs/ciasadepalsa.jpg
16 de jugn 2020

Albina, n gran dilan!

Ai pröms de jügn é jüda en pensiun Albina Sottara, che é por 30 agn alalungia stada un di pilastri dla Ciasa de Palsa a San Martin. So post da direturia tecnica dl’assistënza é gnü surantut da Cecilia Hochwieser
Tla Ciasa de Palsa "Ojöp Frëinademetz" a San Martin él sté de jügn na mudaziun danter le personal, che á na gran importanza ince por i berbesc y les mëdes, por i parënc y por dötes les porsones che á da fá cun chësta istituziun. Ai pröms de jügn é jüda en ponsiun Albina Sottara, che á ti ultimi 30 agn lauré sciöche direturia tecnica dl’assistënza. Te chisc 30 agn ára influenzé y daidé formé la vita te Ciasa de Palsa y la vijiun che les porsones da defora á dla Ciasa.

Deplü ciafëise t’La Usc di ...
media/k2/galleries/12872/thumbs/antles_mascherot.jpg
15 de jugn 2020

Les Antlés cun mascherot

Por gauja dl "coronavirus" n’án iniann nia podü tigní la gran prozesciun d’Les Antlés. A Al Plan é la mëssa stada te dlijia, cun mascherot, ince por i Scizeri
En domënia él sté la gran festa d’Les Antlés, che an á iniann messü tigní cotan atramënter, por gauja dla situaziun "corona". Chësc án odü suradöt tl fat che an n’á nia podü fá la prozesciun eucaristica, che toca deboriada cun chëra dl Cör de Gejú pro les plü beles y ince sugestives dl ann: le ploan cun le santiscim sot le Cil, cor de dlijia y musiga che abelësc cun sonns y cianties da festa, confaruns, statues, bandires y tan d’ater. Döt chësc n’á iniann nia podü ester. Insciö án por le plü ...
media/k2/galleries/12867/thumbs/LoisTrebo.jpg
14 de jugn 2020

Nosta storia y nosta jënt

L’ultima anela dla morona – le jüch se röia chiló cun les respostes ales domandes publicades dan otedé cun le Stomat Nr. 10. Al é sté jops de beles leziuns sön storia, jënt y cultura ladina dal 27 de merz 2020 incá
Les respostes al Stomat Nr. 10

1) Co á pa inom i comuns dles cinch valades ladines?
I comuns dles cinch valades ladines dles Dolomites porta chisc inoms: Chi de Suramunt é Ampez, Col de Santa Lizia y La Plié da Fodom; i comuns de Fascia á inom Cianacei, Ciampedel, Mazin, Sèn Jan, Soraga y Moena; tla Val Badia él chisc comuns: Corvara, Badia, La Val, S.Martin de Tor y Mareo; te Gherdëna unse i comuns: Selva, Santa Cristina y Urtijëi; pro la Ladinia áldel ince les trëi fraziuns ladines che é tl ...
media/k2/galleries/12855/thumbs/bar_val.jpg
13 de jugn 2020

La vita te bar, do le "lockdown"

Assunta Pedevilla manajëia le Bar Val a San Martin. I un orü ti damané co che ara é te bar do les edemes de »lockdown«. En particolar rengraziera ince por la solidarieté che la jënt á te sü confrunc, de de plü versc.
Por gauja dl »coronavirus« unse messü sté edemes a ciasa, evité i contac; restoranc, ostaries y bars á messü tigní stlüt. Le bun café en compagnia, l’aperitif o la bira do le laur n’ê nia plü. Da val’ edemes incá pón indó jí te bar. Daurí á ince le Bar Val a San Martin de Tor, o »da Bino« sciöche al vëgn dit. N bar de paisc, che vëgn manajé incö da Assunta Pedevilla. Nos un orü ti damané co che la vita te bar s’á mudé do le »lockdown«, co che ara é cun les restriziuns, ...
media/k2/galleries/12861/thumbs/dragun_piz-da-peres.jpg
11 de jugn 2020

Le "dragun" de Piz da Peres

Le tier fossilisé che á vit dan zirca 240 miliuns de agn é sëgn da odëi a Balsan. 
Liéde do indoman tla ediziun nöia stampada de La Usc di Ladins la storia dl pice saurier "ladin" preistorich y de d’atres richëzes paleontologiches tl raiun marou che se miritass trö’ deplü atenziun da pert dl turism y dla scora!
media/k2/galleries/12854/thumbs/ejempl_dizionar.jpg
11 de jugn 2020

Le "Dizionar de Anna" é online

La insegnanta Anna Gasser da Rina á realisé de süa buna n dizionar ilustré te cater lingac – ladin, talian, todësch y inglesc. »Anna’s dictionary« ciafon online sot a www.dizionar.com y é ponsé sciöche sostëgn te scora y n aiüt por chi che ó fá i pröms vari te n lingaz nü
Anna Gasser da Rina laora bele da tröc agn tl monn dla scora. Por tröc agn ára insigné todësch, spo inglesc y todësch y sëgn insëgnera inglesc tla scora mesana d’Al Plan. I ladins s’armöi bele por natöra danter monns linguistics desvalis, cun le ladin sciöche lingaz dla uma, talian y todësch sciöche gragn lingac de nosta provinzia y nia inultima l’inglesc sciöche lingaz internazional. Chësc comporta ince che tl baié ne n’án nia dagnora da tó ca la parora te n lingaz spezifich ...
media/k2/galleries/12831/thumbs/min_mort.jpg
10 de jugn 2020

Sterilisé, sterilisé, sterilisé...

N gröm de mins incërch, mins morc dlungia strada, tiers püri. "Le dolur di tiers á sajun alta", dij Petra Alfreider, presidënta dl’assoziaziun por la sconanza di tiers
Les edemes de "coronavirus" y de "lockdown" á ince lascé süa merscia pro la sconanza di tiers, olache an registrëia iniann na situaziun particolara. Un n fat é chël di tröc tiers che vëgn raitá sot, spliga Petra Alfreider, presidënta dl’Assoziaziun por la sconanza di tiers de Puster/Val Badia: "Tres le lockdown podô i tiers passé ia la strada sciöche ai orô. Sëgn che düc s’armöi indó é chësta por i tiers na gran tënora." N ater aspet é chël di tiers che vá ademal. Petra Alfreider: "Al momënt él ...
media/k2/galleries/12825/thumbs/aunejia.jpg
09 de jugn 2020

L'Austria dauriará le Prener

Aladó de kurier.at dauriará l’Austria cun n mertesc ai 16 de jügn 2020 indó i confins dlvers dla Talia y d’atri Statesc dla UE – mo nia dlvers dla Svezia
Aladó dl articul dl Kurier Online dauriará l’Austria sü confins dlvers dla Talia, dla Grecia, dla Croazia y d'atri Statesc europeics. Chësc ó spo dí che al tomará i controi de polizia y sanité söi confins dl’Austria (olache ai é ciamó atualmënter) y i austriacs instësc pó derevers te so Stat zënza jí en carantena.
Chësc podess dí bele sëgn che i austriacs nen aprofitará da gní tla Talia por les vacanzes dles Antlés – sce ai ne jará nia zoruch dan da en lönesc dan mesanöt.
Dlvers dla Svezia á le ...
media/k2/galleries/12824/thumbs/Bildschirmfoto_2020-06-09_um_15.20.23.jpg
09 de jugn 2020

Al toma i 2 m de destanza

Ince te Südtirol ól ma plü ester le mascherot, sce an é plü pormez co n 1 m un dal’atra. Les corieres y ferates lasciará senté sö indó deplü passajiers – mo cun mascherot. Fá la duscia, se mudé ti locai fitness y fá sauna é indó lezit
Südtirol á da sëgn inant regoles nöies en cunt dles limitaziuns por l’espanjiun dl coronavirus. Al toma la destanza di 2 metri y i zëntri fitness, les saunes y les ativités sportives alaleria por mituns y jogn pó indó gní fates.

1 meter

La destanza de almanco 1 meter y zënza ma cun mascherot indos vel alaleria y daite por les porsones nia convivëntes. Ince por les porsones che fej sport alaleria él na novité: ares pó s'avijiné sëgn cina a 1 meter (ultimamënter êl scrit dant na destanza mëndra de ...
media/k2/galleries/12823/thumbs/Cover_CD_Delta.jpg
09 de jugn 2020

Musiga che se desfanta tl mer

Le grup "Donauwellenreiter" cun la strumentalista Maria Craffonara á dé fora so 4. CD cun sües composiziuns, le titul é "Delta". Al é na musiga che azica l’anima, cun vocai desco parores
"Donauwellenreiter" é n cuartët nia da vigni de, y süa musiga trasmët la richëza y la diversité che an é ausá da aldí – ma chersciüda y svilupada inant, rogherüda sce ale dij tl lingaz dla ega. Tröp él sozedü da laota incá, dl 2012, canche al gnô fora chël pröm CD "Annäherung" dl grup che se tolô dant dal pröm momënt inant da descurí esperimënc sura i confins geografics y culturai fora, ciaré tan lunc y sot che musiga pó jí – raitan söles ones dl’ega y ince nodan cun y sot por sintí ...
media/k2/galleries/12821/thumbs/wownature_freddyplaninschek.jpg
09 de jugn 2020

Oste adoté o scinché ia n lëgn?

Tl’Alta Badia vëgnel tigní n proiet olache la jënt pó tó sö o scinché ia n lëgn. Döt chësc por curí bel plan les plaies lasciades zoruch dala tempesta "Vaia"
Düc nes recordun la gran tempesta "Vaia" ala fin d’otober 2018, che á rosedé milesc y milesc de cubich de lignan. Le gran vënt n’á sconé gnanca i comuns dl’alta valada, olache al á scarzé sö bindebó de plaies tla contrada. Por comedé altamo en pert le dann y ti dé zoruch al bosch sü lëgns, él sëgn gnü metü en pe le proiet "WOWnature Alta Badia", promoiü da Alta Badia Brand y le comité dla Maratona dles Dolomites, en colaboraziun cun "Etifor" dla Université de Padova, che á metü en pé ...
media/k2/galleries/12815/thumbs/quiz_loistrebo.jpg
07 de jugn 2020

Stomat "Nosta storia y nosta jënt" – Nr. 10

I imparun de nü y renfrescun nostes conescënzes te nostes ciases y families cun aurela cörta y n passatëmp plajor. Les respostes gnará publicades tla ediziun de La Usc di Ladins te otedé. Le stomat se röia cun chësta ediziun
Les domandes nöies dl Quiz Nr. 10

1) Co á pa inom i comuns dles cinch valades ladines?
2) Ci importanza á pa albü l’imparadú Maximilian por i Ladins?
3) Olá él pa Valacia?
4) Can él pa sté l’ultima mëssa noela a Al Plan?
5) Che é pa sté le pröm diretur dl Istitut Ladin Micurá de Rü a San Martin de Tor?
6) Co á pa inom le pröm, secundo, terzo y – ince – cuarto tai dla erba? ("fëgn"...)
7) Can él pa Segra da Rina?
8) Olá él pa le Ciüch de San Iaco?
9) Che é pa sté le Slosser dla Munt?
...
media/k2/galleries/12814/thumbs/P1120414.jpg
06 de jugn 2020

I á imparé ci che al ó dí "lascé n fostü"

Al pé che la sciënza ais ciafé fora n genn por rodé da n post al ater: sce t’as chësc genn, spo sënteste le bojëgn da nia ma tres sté tl medem post, mo da jí y imparé da conësce cultures nöies y da odëi posć nüs. An ne sá nia avisa sce chësc stimenëia bëgn, mo Elena Pitscheider, na jona de Badia, nes á cunté n pü’ de sü iadi, dantadöt de süa ultima esperiënza, sciöche studënta Worldwide, tl Ecuador tla Pontificia Universidad Católica a Quito
Al ê i 20 de agost l’ann passé, canche la jona saludâ sü amisc por pié ia cuntra n iade, olache ara ess podü cöie sö n cufer de esperiënzes de vita. Te chësc tëmp atual n’él nia tan saurí da rodé incërch, i confins é en gran pert ciamó stlüc o limitá, mo le pinsier á na potënza che pó nes porté indlunch. Por mirit de Elena, na jona plëna de iniziatives — che nes á cunté les esperiënzes che ara á vit te set mëisc — podunse dé na odlada a chësta pert nord-ozidentala dl’America Latina.

Elena vir da ...
media/k2/galleries/12812/thumbs/ega_sanvi.jpg
06 de jugn 2020

L’Ega de San Ví é gnüda adora

De regola vëgn chëst’ega te Mareo incër mez jügn, iniann éra bele gnüda n mëis denant.
Daite d’Al Plan, tla localité Fodara Masaronn, ciafon nia dalunc da strada öna dles beles morvëies dla natöra: les fontanes dl’Ega de San Ví. L’inom ciafa chëst’ega dal sant che la Dlijia recorda ai 15 de jügn, deache ara mët man da rogore de regola incër mez jügn. Nia insciö iniann, olache l’ega é bele spizorada n mëis denant, ai 17 de ma. Chësc é por mirit dles gran nëis gnüdes sö alalt bele de novëmber. L’Ega de San Ví pëia dala munt de Fanes, olache ara raita cina jö dal Lé Piciodel, se ...
media/k2/galleries/12809/thumbs/Bildschirmfoto_2020-06-04_um_18.13.57.jpg
04 de jugn 2020

"Sciani" ala staziun dai soldas sön Plan de Corones

Ara passa ala Provinzia aladó de na acordanza firmada incö
La staziun militara importanta de control internazional ti tëmps passá, de proprieté dl Demane sön Plan de Corones, passa dal Stat ala Provinzia. Incö, ai 4 de jügn, él gnü a s’l dé la firma a pe dl verbal dla surandada danter le presidënt dla Provinzia Arno Kompatscher y le diretur regional dl’Ajentöra dl Demane Sebastiano Caizza. Al’incuntada él sté ala pert ince la referënta iuridica dl’Ajentöra Eugenia Pantozzi Frezza y le vize-secreter general dla Provinzia Thomas Mathà, ...
media/k2/galleries/12769/thumbs/pruma_messa-do_corona-lapli24-05-2020.jpg
01 de jugn 2020

Le paisc se descëda zacó

L’aisciöda á porté les prömes mësses ai tëmps dl coronavirus, scebëgn che i fedei á indos le mascherot y stá dainciará dai atri. Intratan á daurí do les ostaries ince i pröms hotí. Ai 3 de jügn 2020 »tomará« la stlüta di confins dles regiuns dla Talia 
Al é domënia de Palsacrusc/ Assënza (ai 24 de ma 2020). Incö consint le tëmp da sté defora a dí la gran mëssa, n grup de stromënc a fle dla Musiga d’La Pli sona por ti surandé plü solenité ala zelebraziun. Atocades é les parores dl ploan Siur Klaus en chësc de che al vëgn recordé l’ascensiun de Gejú tl Cil. Al é sciöche jí a ciasa, chësc iade de Gejú te paraisc – insciö Siur Klaus, y al recorda che le Cil é davert a düc, y al é l’ultim travert de düc, ince de chi che ne ciafa degun alberch y ...
media/k2/galleries/12768/thumbs/quiz_loistrebo.jpg
31 de mei 2020

Stomat "Nosta storia y nosta jënt" – Nr. 9

I imparun de nü y renfrescun nostes conescënzes te nostes ciases y families cun aurela cörta y n passatëmp plajor. Les respostes gnará publicades tla ediziun de La Usc di Ladins te otedé y ince sön chësc sit www.lausc.it – olache le jüch jará inant cun le Stomat nr. 10
Les domandes nöies dl Quiz Nr. 9

1) Ci te dij pa l’inom Verena von Stuben?
2) Ci ó pa dí "borjöla"?
3) Olá êl pa da n tëmp n garber?
4) I capuzineri petlâ dandaía smalz. Ci dêi pa ca lassura? 
5) Tan vedla é pa la stlopetara d’Al Plan?
6) Mareo tin dui primac söla litra dles gran ciampanes. Öna é alaleria sön n col, l’atra sön n ciampaní? Olá pa, tan pësa pa les döes ciampanes?
7) Ci artist conesciü de Badia é pa jü a sté foran Bayern y nes á lascé dan da n ann?
8) Che ê pa Lipo dai orghi?
9) Tan ...
media/k2/galleries/12763/thumbs/sasdlacrusc_cuertl.jpg
31 de mei 2020

Le "Sas dla Crusc 2019" é chiló

La Cronica dla Val Badia, dada fora dala Uniun Ladins Val Badia, é indó danman, cun n gröm de fac y avenimënc sozedüs ti paisc de nosta valada
Pici y gragn s’la inconforta tres indó da podëi platerné tla cronica dla Val Badia y ince en chësta aisciöda éra tan inant! I cronisć á rové da scrí, le letorat é porté a fin, la grafica stimenëia y le Sas dla Crusc 2019 é stampé!
I savun che tröc aspeta ert, porchël metará man i colaboradus dla Uniun di Ladins da porté fora le Sas dla Crusc 2019 te ostes ciases dala proscima edema inant. En chësc ann él ince sté (y é dötaurela ciamó) poscibl da comané la cronica tres Facebook sön la plata dla ...
media/k2/galleries/12762/thumbs/intervista.jpg
30 de mei 2020

Zoruch dai USA: mo ci traina!

La jona Bettina Grünfelder d’Al Plan é stada por val’ mëisc tl’America y ti é sciampada al "lockdown" talian, mo da gní zoruch éra stada döra. Süa esperiënza
Jí tl’America é forsc le some de tröc jogn. En chësc ann ti ára toché a Bettina Grünfelder d’Al Plan, che é piada ia de forá por jí impröma tl Canada y spo jö ti USA. Zënza orëi, ti éra insciö sciampada a döt le patatrac che é salté fora tla Talia por gauja dl coronavirus: degun "lockdown", degun bombardamënt mediatich y social-mediatich sön le Covid. Le virus é sambëgn ince rové laía, mo les mosöres ne n’é nia stades tan rigoroses, sciöche ara cunta. Ai pröms de ma éra spo piada zoruch y le ...