La Usc di Ladins

En lunesc ai 7 de november te senta del Comun General de Fascia l é stat chiamà ite la 35^ Conferenza de la Mendranzes linguistiches, n apuntament emportant per i raprejentanc de la trei comunanzes de mendranza del Trentin per meter dant reflescions e spetadives.
Prejenc l president de la Provinzia de Trent Maurizio Fugatti, l conseier provinzièl ladin Luca Guglielmi, l procurador Giuseppe Detomas, i presidenc de la Magnifica Comunità Altipiani Cimbri Isacco Corradi e de la Comunità Alta Valsugana e Bersntol Andrea Fontanari, ombolc e dirigenc de la scoles, i presidenc di Istituc culturèi, l president de l’Union di Ladins Fernando Brunel e la vize presidenta de l’Union Generela di Ladins dla Dolomites Milva Mussner e la dirigenta del Servije Mendranzes Linguistiches PAT Giuliana Cristoforetti.

Dantfora l procurador Detomas à rengrazià l president Fugatti per aer cernù chesta senta per la Conferenza e l à domanà che la Provinzia seghite a tegnir auta l’atenzion envers la mendranzes linguistiches enceben che te momenc senestres descheche l é stat chisc ultimes egn chest setor podessa someèr manco emportant.

Te la Conferenza l é stat rejonà ence de la situazion de la rezezion di canai televisives dediché a la mendranzes.

De più su La Usc stampèda de vender ai 18 de november.  (Monica Cigolla)