Le Maroco davagna le "snowfestival"

Data

19 de jené 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En mercui sëra él sté la premiaziun dl 32. festival dles scoltöres tla nëi d’Al Plan y Sanciana. Te Mareo á davagné le Maroco cun "La speranza pordüda"
Chëra dl Maroco é na scoltöra che dá n messaje tler. Tla opera "La speranza pordüda" él da odëi n ël sön na barca cun laite na pera dla fossa, che vëgn bel plan injopé da na gran ora dl mer. Rachid Jouida, Sophiue Bourkab y Omar Gammaoui fej cuaji n "monumënt" y zënzater ince n amonimënt por ti dé visibilité a chi muciadus che pëia ia plëgns de speranza adincuntra a n miú dagní, mo perd spo la vita tla traversada prigorosa dl mer. Cun passa 1.700 usc á le Maroco davagné, dan la scoltöra dl’Argentina, cun sü "dui amisc", che á abiné püch plü co 1.600 "likes". Dër destacá al terzo post ciafunse i todësc cun la opera "Sön funz" cun chi 240 likes, che tematisëia le refodam che la porsona jüda de por de ti mers fora por le monn. La premiaziun dle festival, organisé dala Cooperativa Turistica Al Plan/San Martin y l’Assoziaziun Turistica da Sanciana, é stada en mercui sëra tl’alta Val de Puster. I ves pitun chiló n valgönes impresciuns fotografiches tratan le laur y dles operes rovades.

Les fotos é de Gianvito Coco/Foto Plus Srl  (pablo)