La Usc di Ladins

Tl Südtirol vëgnel al momënt cumpedé tan de jënt che toca pro le grup de lingaz ladin, talian y todësch o che se taca ite pro un de chisc.

Fondamënta por la vita publica

La cumpedada dla jënt é la fondamënta por aspec de vigni sort dla vita publica – scri la Provinzia. Insciö vëgnel bele regolamenté tl Statut de Autonomia dl 1972 che i posć de laur publics "vëgn surandá aladô dl raport dles cumpëdes dles grupes de lingaz, da coche ares resultëia dales cumpedades ofiziales por la portegnënza ai grups de lingaz". L’ultima cumpedada é stada tl 2011, ajache dal 2018 incá ne vëgn la cumpedada dles grupes de lingaz nia plü fata vigni diesc agn. "La manira

• La cumpedada di grups linguistics te 5 vari aladô de na grafica ofiziala dla Provinzia. grafica: osp/astat
•  

View the embedded image gallery online at:
https://www.lausc.it/atualite/26546-ciamo-4-dis#sigProId32a8dd6282

nöia da mëte a jí y da trá tres na cumpedada dla jënt é scialdi complessa. Ajache al se trata da tó ite online dac relevanc se moion tl medem momënt tl cheder dla sconanza di dac", da coche le diretur ASTAT Timon Gärtner spliga, che ajonta: "La cumpedada dla jënt che an é sëgn tl laur da fá é la pröma de chësta sort, olache al vëgn garantí l’anonimité de chi che fej para, da confronté de cer' valch cun lites eletroniches."

SPID y CIE

Per garantí l’anonimité vál debujëgn da se möie tres l’identité digitala SPID, cun la cherta de identité eletronica CIE o cun na cherta dl/a zitadin/a ativada por se mëte adöm i dac, token y pin, por azede ala cumpedada online.
La cumpedada di grups de lingaz n’é nia le medem co la detlaraziun de portegnënza al grup de lingaz. Chësta vëgn de regola dada jö cun arjunje la majera eté dan Signoria provinziala o pro la Signoria de Pesc competënta por le post de residënza de chi che detlarëia. Ince le mudamënt dla portegnënza al grup de lingaz pó ma gní fat pro chuestes döes istanzes y de regola 18 mëisc do che an l’á dada jö. Pro la cumpedada di grups de lingaz vëgnel deperpo ciaré te ci mosöra che i trëi grups etnics dl Südtirol é rapresentá.

N video de splegaziun

Tröpes domandes che é gnüdes ite pro l’Istitut provinzial se möi incër le funzionamënt dl sistem de cumpedada di grups de lingaz. Na spligaziun vare do vare abínon tl video de spligaziun https://www.cumpededa-linguistica.provinzia.bz.it/
La detlaraziun mëss gní dada jö personalmënter da vigni zitadin/a de majera eté, an ne pò nia dé Fora deleghes (aldefora che pro mituns/ans sot i 14 agn).

Informaziuns, respostes y domandes che vëgn fates suvënz (FAQ) y le video de spligaziun de coche an fej da fá para pro la cumpedada dla jënt él da abiné tla plata internet trilinguistica. Foradechël ti pita l’ASTAT ales zitadines y ai zitadins n sostëgn lapró pro la cumpedada di grups de lingaz: an pó ince ti jí pormez por domandes cherdan sö le numer de telefon 0472 973860 dl Call Center, ti scrion ala misciun e-mail  cumpededa-linguistica@provinzia.bz.it y pro i ofizi di Comuns.