La Usc di Ladins

Al é oramai dui agn ca che al vëgn lauré por arjunje che les liëndes ladines vëgnes tutes sö tl patrimone cultural y imaterial dl’UNESCO. La chestiun ê piada ia dl 2022, canche la Uniun Ladins Val Badia s’â ót al assessur provinzial Daniel Alfreider y al assessur regional Manfred Vallazza por avëi le sostëgn politich. Insciö él nasciü n grup de laur sot la coordinaziun de Carlo Suani, cun la colaboraziun de Susy Rottonara da La Ila y Paolo Vinati da La Val. Le pröm vare concret é gnü fat de ma dl ann passé, canche Provinzia y Regiun á dé pro al proiet de inrescida sön les liëndes ladines, che é spo pié ia spo de setëmber. Por realisé le stüde s’án lascé sön la competënza dl prof. Pier Luigi Petrillo dla Université Unitelma Sapienza da Roma, espert de candidatöres UNESCO.
En vëndres ai 24 de ma él gnü a s’al dé te na stüa dl Museum Ladin Ciastel de Tor na presentaziun dl laur fat cina sëgn, olache le prof. Petrillo á fat n punt dla situaziun y olache l’assessur Daniel Alfreider á invié ia ofizialmënter la secunda fasa dla candidatöra.

Deplü sön le laur fat y sön les novités ciafëise t’La Usc di Ladins dl 31 de ma  (pablo)