La Usc di Ladins

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 23.12. nchin n vënderdi ai 30.12. ie chëla de Urtijëi, tel. 0471/796125 (orar de giaurida 9.00-12.00/15.00-19.00). Da n sada ai 31.12 nchin ai 05.01.2023 iel de servisc la apoteca de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 23 de dezëmber dales 19:00 al vëndres ai 30 de dezëmber ales 19:00, é chëra da San Martin/Picolin, tel. 0474 523020. Dal vëndres ai 30 de dezëmber cina al vëndres ai 6 de jená 2023 él en sorvisc l’apoteca d’Al Plan, tel. 0474 501240.

Dotours
Dutor Gherdëina
L dutor de servisc te Gher­dëina ntan la festes: l servisc scumëncia for dala 8:00 daduman. Ai 24. y 25.12. ie de servisc l dutor Giuliano Piccoliori de S. Cristina, tel. 0471 792282 o 348 3301004. Ai 26.12. ie de servisc l dutor Simon Kostner de Sëlva, tel. 347 2297492. Ai 31.12. y ai 01.01.2023 ie de servisc l dutor Valentin Tröbinger de Sëlva, tel. 0471/773073 o l 335 684 4944. Ai 05.01. y ai 06.01.2023 ie de servisc l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Ti comuns de Badia, Corvara y La Val él en sorvisc ai 24 y 25 de dezëmber le dotur Giovanni Crivellaro, La Ila, tel. 348 0014266. En San Stefo ai 26.12. y sura San Silvester y Nanü él en sorvisc le dotur Guido Caretta, Cal­fosch/Corvara, tel. 0471 836870 o 337 616080. Por Santaguania ai 5 y 6.01. él en sorvisc le dotur Martin Spechtenhauser, La Ila, tel. 0471 844200. Ti co­muns de Mareo y San Martin de Tor él en sorvisc ai 24 y 25 de dezëmber, sciöche ince en San Silvester ai 31.12. le dotur Eduard Agreiter, San Martin de Tor, tel. 0474 523315 o 333 1380852. En San Stefo ai 26.12. y en Nanü al 01.01.2023 él en sorvisc la doturia Margarete Mahl­knecht, La Val, tel. 349 0667034 o 0474 523018. Da Santaguania ai 5 y 6.01. él en sorvisc la doturia Stefania Febbraro, Al Plan de Mareo, tel. 377 3288595.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmenter
Corsc de ladin
La Scola ladina de Fascia endreza corsc de ladin, un per ladinofons e un per italo­fons. Ogneun di doi corsc l é da 30 ores e l vegn metù a jir de lunesc e de mercol da les 20:00 a les 22:00; i corsc taca ai 9 de jené, l cost l é de 100€ e se cogn se scriver ite dant dai 23 de dezember te Sora­stanza de la Scola da Francesca Degasper 0462 760340.
Atualmenter
I orari de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lö­­nesc y mercui dales 14:00 – 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmënter
Biblioteches de Gherdëina: orares ntan la festes
La biblioteches de Gherdëina resta śaredes ai 24., ai 25. y ai 26.12., coche nce ai 31.12. y ai 01.01.2023. Nfin saràles mo śaredes ai 06.01.2023.

Concursc
27.12.
Cuncors de ziplé tla nëif
Sun Pra da Nives te Sëlva vëniel a s’l dé l cuncors de ziplé tla nëif, dedicà ala persunaliteies de Gher­dëina da śën o dl  passà. L va inant per trëi dis (9:00-17:00), la premiazion sarà ai 30.12. dala 16:00 sun Pra da Nives.

Mujiga
23.12.
Conzert de Nadèl
En vender ai 23 de dezember da les 20:45 te Gejia del Sacro Cher a Cianacei vegn endrezà l Conzert da Nadèl con la Musega Auta Fascia, l Cor di joegn de Dèlba, l Cor de gejia de Cianacei e Ciampedel, l Cor di bec de Cianacei, al piano Paolo Bernard.
23.12.
Mountain Christmas: melu­dies da Nadel cun i Hosianna
La grupa Hosianna cianterà sun l marcià da Nadel sun Plaza Nives te Sëlva, ncuei, 23.12. dala 17:00.
24.12.
Mountain Christmas: meludies da Nadel cun la Mujiga de Sëlva
La Mujiga de Sëlva sunerà inò coche da tradizion do la santa mëssa n la Ueia de Nadel, ai 24.12., dala 17:00 sun Plaza Nives te Sëlva.
24.12.
Santa Nuet a Urtijëi
Coche da tradizion sunerà i strumënc a fla n la Ueia de Nadel, dala 17:00, do la mëssa di:la mutons:ans, sun l ciam­panil dla dlieja de Urtijëi y da dedò nce sun Pitla Plaza de Sant Antone.
25.12.
Mountain Christmas: meludies da Nadel cun l CDJG Brass Quintett
L CDJG Brass Quintett sunerà de bela meludies da Nadel, ai 25.12. dala 16:00 sun Plaza Nives te Sëlva. Na segonda ucajion per scruté su sarà ai 01.01.2023 dala 17:00, for sun Plaza Nives te Sëlva.
26.12.
Mountain Christmas: Melu­dies da Nadel cun i Helios
La Grupa Helios cianterà de bela cianties da Nadel ai 26.12. dala 17:00 sun Plaza Nives te Sëlva.
27.12.
Conzert cun le »Unknown Brass« y »De Cater«
Le cuintet »Unknown Brass« y le cuartet »De Cater« tëgn n conzert da Nadé, en mertesc ai 27.12. dales 20:30, tla dlijia da Corvara.
27.12.
Spetacol de musega a Vich
En mèrtesc ai 27 de dezember da les 16:30 tel picol piaz tedant l’ofize de turism a Vich l ensemble de musizisć de BandaStorta met dant l con­zert »Sognando Fellini« en omaje al gran maester.
28.12.
Mountain Christmas: Cianties da Nadel dl Cor di Jëuni de Urtijëi
L Cor di Jëuni de Urtijëi cianterà sun l marcià da Nadel te Sëlva ai 28.12. dala 17:00.
29.12.
Cunzert da Nadel »A Christmas Lullaby«
Tla dlieja de Sëlva sunerà ai 29.12. dala 18:00 n trio da majon n cunzert da Nadel. L cian­terà Erika Mussner (so­prann), Ulrike Mattle sunerà l cello y Judith Piccolruaz l tlavier.
30.12.
Mountain Christmas: ntrate­nimënt cun i corni da mont
L »Trio Ladinia«, sunerà de bela meludies sun si corni da mont ai 30.12. dala 16:45 sun Plaza Nives te Sëlva.
30.12.
Conzert del Bandin de Moena
En vender ai 30 de dezember da les 17:00 te Pra del Preve de Soraga, anter la cisetes del picol marcià da Nadèl, l é l conzert del Bandin de Moena.
02.01.
Conzert de Nanef con la Tiger Dixie Band
En lunesc ai 2 de jené del 2023 da les 16:30 te piaz tedant l ofize del turism a Vich l é l conzert de Nanef de la Tiger Dixie Band che met dant museghes de New Orleans e Chicago style, de Charleston e Ragtime.

Temp Lede
Atualmenter
Cripeles sui festii a Vich
Sui festii de Vich se pel veder la cripeles enjignèdes da la desvaliva sociazions, privac e artisć del paisc, ti ciantogn da Sèn Jan fin sa Valongia. Les restarà fora enscin ai 8 de jené del 2023 e ogne vender da les 17:00 l é la raida vidèda con aperitif su prenotazions al 335 7479965.
Atualmënter
Mostra de criples
Tl raion da jì a pe de Urtijëi iel metù ora de plu criples ntan l tëmp da Nadel. La espusizion sarà da udëi nchin ai 08.01.2023.
Atualmënter
Urtijëi, luech da Nadel
L Marcià da Nadel tl raion da jì a pe de Urtijëi jirà mo inant nchin ai 8 de jené. I stonc ie davierc uni fin dl’ena, dal vënderdi nchin la dumënia, dala 11:00–19:00. Dai 23.12. inant à i stonc gastronomics daviert uni di, dala 15:00–20:30, i autri stonc (dla butëi­ghes) śera ntantsce ai 24.12. bele dala 16:00, ai 25:12. iesi śarei, ai 26.12. iesi davierc dala 15:00–19:00 y nce ai 01.01. dala 15:00–19:00.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
Atualmënter
»Paisc da Nadé« a San Ciascian
Le zënter da San Ciascian i fej da cornisc al »Paisc da Nadé« cina ai 7 de jená 2023 – vigni de dales 16:00 ales 19:00. Ai 25.12. y al 01.01. podarán aldí i corgn da munt, dales 18:15 inant; ai 28.12. y ai 04.01. dales 18:00 sona Ermes Costa; ai 29.12. y ai 07.01. dales 18:00 sona la Müjiga da San Ciascian. An podará ince amiré les cripeles fates da man da plü artejans y metüdes fora te paisc.
Atualmënter
Marcé da Nadé a Corvara
Le Marcé da Nadé a Corvara é davert fina ai 06.01., tres dales 16:00 ales 19:00. Ai 23.12. sona le grup »Night­flyer«, ai 26.12. él da aldí le trio di corgn da munt »Sasson­gher«, ai 30.12. le cor »Kyrios«, ai 02.01. le grup »Whiskey & Ginger« y ai 05.01. le cor »Provoxis«. I grups mët man dagnora dales 17:00.
Atualmenter
Cripeles te paisc
Fin ai 8 de jené fora per la strè­des e ti ciantons de la frazions de Gries, Dèlba e Penia vegn endrezà na caran­tina de cripeles. Se pel troèr la mapa ti ofizies de turism de Cianacei e Dèlba.
Atualmenter
Picol marcià da Nadèl a Vich
Dai 23 de dezember fin ai 6 de jené da les 15:30 a les 18:00 te zenter de Vich e te Ciasa Marmolada vegn endrezà l marcià da Nadèl »Picol, bon e bel!«
Atualmenter
Marcià da Nadèl a Ciampedel
Dai 23 de dezember ai 8 de jené te Piaz de Ciampedel vegn metu fora e avert da les 15:00 a les 19:00 la ciasetes de legn del Marcià da Nadal, che met dant magandiva tipica e prodoc de èrt e artejanat.
Atualmenter
Marcià da Nadèl sul Lech de Ciareja
Ogne sabeda e domenia del meis de dezember da les 10 da doman fin les 8 da sera vejin al Lech de Ciareja l é avert la ciasetes de legn del Marcià da Nadèl. Pulmins debant dal piaz di auti del Paolina Info: Carezza Event, 0471 619520.
Atualmenter
Marcià da Nadèl a Moena
Fin ai 8 de jené (fora che l dì de Nadal) te Piaz de Sotegrava, Piaz de Ramon e Picol Piaz Perle Alpine a Moena l é avert le ciasete de legn del Marcià da Nadal, con evenc de cornisc. Info: Comitat Moena Eventi, nr 371 4349560.
Atualmenter
Marcià da Nadèl a Soraga
Dai 23 de dezember ai 6 de jené te Pra del Preve vegn metù fora l picol marcià da Nadèl. L é avert da les 15:00 a les 20:00, con evenc de musega e cianties ai 10, ai 17 e ai 30 de dezember e ai 6 de jené. Dai 24 de dezember ai 6 de jené se pel ence veder la cripeles fora per l paisc.
Atualmënter
Mountain Christmas: marcià da Nadel te Sëlva
L marcià da Nadel sun Plaza Nives te Sëlva jirà inant nchin ai 08.01., for de vënderdi, sada y dumënia y dai 24.12 ai 08.01. uni dì. Orar de giaurida: 15:00–19:00.
Atualmënter
Roda dles Cripeles a La Val
A La Val pón amiré cina ai 6 de jená 2023 cripeles snizlades y depëntes, de dimenjiuns desvalies. Ares é metüdes fora te de plü fraziuns. An pó se fá na roda a pe fora por paisc, sides de de co da sëra, canche les cripeles vëgn iluminades. Implü él la US La Val che dá fora val’ da bëre pro salf dles manifestaziuns, ai 23. y 24.12. dales 18:00 inant.
23.12.
Spetacol da Nadèl su la giacia
Anché vender ai 23 de dezem­ber da les 18:30 la balarines e i balarins del Artistico Ghiaccio de Fascia speta duc tel stadie de Dèlba per l saggio de Nadèl, per se fèr i augures te na bela cornisc de festa e engaissèr i picoi e joegn Pavei d’Arjent.
24.12.
Tradizions fascènes sot l èlber
En sabeda ai 24 de dezember da les 17:00 te Pra del Preve de Soraga, olache l é l picol marcià da Nadèl, vegn endrezà n moment de letures fascènes con l compagnament del handpan de Biju Vadagnini.
29.12.
Skishow dla Scola de schi y snowboard 2000
La Scola de schi y snowboard 2000 nvieia a na desmustrazion dla tecniches desvalives sun i schi y sun l snowboard sun Col da Frëina–Ciampinëi, ai 29.12. dala 21:30.
29.12. y 05.01.
Descurí le monn dl biatlon
Les jöbies ai 29 de dezëmber y ai 5 de jená 2023 él la posci­bilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns al cost de 25,00€ y informaziuns ti ofizi turistics dl’Alta Badia.
31.12.
San Silvester a Urtijëi
A Urtijëi vëniel metù a jì de plu manifestazions n San Silvester: dala 18:15 iel la defileda cun chentli dla Scola de schi y snowboard de Urtijëi via Palmer y da dedò na show cun laser. Dala 19:00 inant aperitifs de Silvester tla bars de Urtijëi y dala 22:00 inant mët l HC Gherdëina a jì na festa cun DJ Simon tl zënter de Urtijëi (nchin la 02:00).
31.12.
Mountain Christmas: ntratenimënt cun l strion dl 19. secul
L strion Paladino prejenterà n valguni de si striunëc, ai 31.12. dala 15:00 sun l marcià da Nadel te Sëlva.
01.01.2023
Defileda cun chentli dla Scola de schi y snowboard de Santa Cristina
La Scola de schi y snowboard de S. Cristina nvieia ala defileda cun chentli da Mont de Sëura nchin sun Pana. Duc ie nviei a fé pea. N se acunterà dala 16:30 japé dl lift de Mont de Sëura.
01.01.2023
Skishow dla Scola de schi y snowboard de Sëlva
La Scola de schi y snowboard de Sëlva nvieia a na desmu­strazion de schi y snowboard ai 01.01. dala 21:30 sun Col da Frëina–Ciampinëi te Sëlva.
03.01.
»Magia dl Nadé« a Calfosch
La plaza de dlijia da Calfosch i fej da cornisc al ultim apuntamënt cun la »Magia dl Nadé«, ai 3 de jená. Dales 16:30 ales 18:30 vëgnel dé fora duciaries y boandes cialdes. Deperpo sarál sa aldí le trio di corgn da munt »Sassongher« y an podará ince ti ciaré ales cripeles fates da man dai artejans dl post.
04. y 05.01.
»Nos Ladins« cun Daniel y Ingo
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 04.01. pón jí a se fá na roda cun le iat dala nëi adöm a Daniel a Corvara, ai 05.01. ván n toch cun les pels cun Ingo, a San Ciascian. Info y prenotaziuns ti ofizi turistics dl’Alta Badia.
05.01.
Cun i schi a löm de ciandëra
La pista »Gherdenacia« a La Ila é daverta ince da sëra, dales 20:00 ales 22:00. Le pröm apuntamënt é la jöbia ai 5 de jená.

Sport
Atualmenter
Corsc per jir coi feres
L Artistico Ghiaccio de Fascia tel temp de la festes l endreza n cors per bec che vel emparèr a jir coi feres. L cors de 6 le­zions vegn fat ai 27, 28 e 29 de dezember e ai 3, 4 e 5 de jené de domesdì da les 14:45 a les 15:45 e l cost l é de 50€. I enteressé cogn se scriver ite al più prest al 334 9317700.
28.12.
HC Gherdëina vs. HC Meran/o Pircher
L Hockey Club Gherdëina nvieia ala partida dla Alps Hockey League contra l HC Meran/o Pircher n mierculdi ai 28.12. dala 20:30 tl stadio Pranives te Sëlva.

Chino
Atualmenter
Al chino de Cianacei
Insnet, vender ai 23 de dezem­ber da les 17:00 l é »Diabolik-Ginko all’attacco« e da les 21:15 l é »Avatar-La via dell’acqua«; ai 24 da les 17:00 l é »Riunione di famiglia (non sposate le...)« e da les 21:15 l é »Il grande giorno«; ai 25 da les 16:00 e da les 21:15 l é »Avatar-la via dell’acqua«, ai 26 da les 17:00 l é »Il gatto con gli stivali 2«, ai 27 da les 17:00 l é »Strange world« e da les 21:15 l é »The fabelmans«, ai 28 da les 16:00 l é »Avatar-La via dell’acqua«.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa fami­lies y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
31.12.
Aziun da Nadé por daidé la jënt dla Ucraina
Les uniuns di seniors tl comun da San Martin mët a desposi­ziun tles dlijies scatores de cartun da ciarié ite y dé jö tles calonies da San Martin, Lun­giarü y Antermëia, en sabeda ai 31 de dezëmber dales 9:00 ales 12:00. Plü infor­maziuns tles plates dles cöres. Bel dilan a chi che fej para!

Mostres y Ert
Atualmënter
Mostra »Nëif« – tla galaria Vijion a Puntives
La mostra culetiva de 28 artisć:tes, na mostra de ududes da d’inviern, che auza ora la faszinazion dla nëif, ie davierta nchin ai 10 de jené 2023. Orar dla mostra: lu–sa: 16:00–19:00 (o cherdan su 3382098697).
Atualmënter
Mostra »Florilegio« de Margherita Paoletti
La mostra dla artista y ilustra­dëura va inant nchin ai 22 de jené, for dala 15:00 nchin la 18:00, tl Tublà da Nives te Sëlva. Dai 06.01. inant iel uni lunesc stlut, coche nce n Ueia de Nadel y ai 31.12..
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
27.12.
Tassìe 3. La musega: n usc per la cultura
Dales 20:50 ca. La musega l é n lengaz universal e l é n element bon de portèr chel che l é delaite de na persona, de n popol e de na comunanza. Te nosc raion chesta sort de lengaz se porta dò tassìe de noscia storia e l é n strument che averc neves ujes su la beleza de noscia cultura e de noscia identità. Program de Cinzia Pistoia, a cura de Anna Mazzel.
28.12.
Aiüt sot na bona stëra 2023 – Aziun di Trëi Rêsc tla Tanzania
Dales 21:05 ca. Program de Wolfgang Penn, a cura de Alessandro Dapunt.
29.12.
Euro TV-trasmisciun de economía
Dales 20:20 ca. Program de Diego Clara, a cura de Leo Senoner.

Radio
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La Copa dal café
La trasmiscion »La Copa dal café«. Da aldí vigni juebia, vender, sabeda e domenia da les 13:45 ales 14:00.
24.12.
L Guviern Mundiel Finanziel (1)
Dales 13.45. Spiegazion – Intro­­­duzion. Program de Roland Verra.
23.12.
Dic y proverbs te n liber
Do ani de lëur iel sën dan man l liber de Milva Mussner ntitulà »A dì che n dij …«. L ie na abineda de dic, proverbs, sentënzes, mascimes y aforisms y regules dl tëmp cun curespundënzes tl talian. L’autëura conta de chësta publicazion che ie de gran valor per la rujeneda y cultura ladina. Trasmiscion de Alex Runggaldier.
25.12.
Nadel
Dales 12.45. Per truepa jënt ie l Nadel n dì dla scincundes o de gran afaresc. Ma per i cristians ie l Nadel n mister che pudon me capì do che on spartì chël che on. Pona giaten pea chël che Idiè fej cun nëus: se da ca. Program de Hugo Senoner.
25.12.
Samuel Runggaldier pre­jënta »si« cianties da Nadel
Tl tëmp da Nadel vëniel scialdi ciantà y la mujiga ie de gran mpurtanza per festejé la na­sciuda dl bambin Gejù De­berieda cun l dirighënt Samuel Runggaldier de S.Cristina ve prejentons cianties da Nadel per cores y ensem­bles, finan via cun »Chieta nuet, santa nuet« dl Cor di jëuni de Gher­dëina. Trasmiscion de Georg Mussner.
28.12.
I sun düc un: Stravardèr i ecosisistems de la tera e del mèr
Dales 19:05. Mantegnir la varietà biologica de duc i ecosistemes l é i obietives 14 e 15 de l Ajenda ONU 2030 che é fosc ence l cher de duc i obietives ajache se vegn a mencèr l equilibrie anter i ecosistemes la vita umèna podessa se destrabonir. Stefen Dell’Antonio ne moscia chest tant tres na contìa de ganes e salvans. Program de Anna Mazzel e Elide Mussner.
29.12.
Ciaran zoruch tl ann passé
Dales 19:05. Püc é i dis che despartësc l’ann vedl dal nü. I orun to l’ocajiun por recordé valgügn traverc o sfidades che á caraterisé l’ann 2022 tl comun da San Martin de Tor. Program de Sara Frenner.
01.01.
Agorà – »L mpurtant ne ie nia fé pea ma vëncer«
Dales 19.05. Suvënz vëniel dit che l sport ne dëssa nai vester politich. Purempò desmostra la storia dl sport che juesc olimpics y campionac dl mond ie plëns de anedoc che desmostra de coche la ditatures se à nuzà dl sport coche ejibizion dl pudëi. Y purempò ie l sport fat dantal­dut de chëi che ti cëla, dla persones da unidì, cun si cumpurtamënc sëuramenei y si cuer competitif. Trasmi­scion de Ivan Senoner.