La Usc di Ladins

Bal d’Aisciüda a La Val
La Jonëza da Paur da La Val inviëia düc al bal, en sabeda ai 3 de ma
En sabeda ai 3 de ma él la Jonëza da Paur da La Val che mët a jí le Bal d’Aisciüda. La serada mët man dales 20:30, tl salf dles manifestaziuns da La Val y al sará le grup »Volksbeat« che fistidiëia por de bona musiga. L’entrada é de 10,00 € a ce.

Musical »N de a La Spona«
En mertesc ai 22 de aurí dales 19:30, tl salf manifestaziuns a La Val
N de a La Spona é n de particolar, cun regoles, laur y orars che mëss ester, mo ince cun riüdes, ciacolades y jüc adöm. Chësc oress i assistis y les assistides de »La Spona« ti presenté al monn intier, implí cun cianties.
Marion Palfrader s’á tut le tëmp y á lauré fora adöm cun ëi chësta manifestaziun y düc ne á nia spa­ragné sforc, tëmp y usc por arijigné val’ dër de plajor, che vëgn mostré en mertesc ai 22 de aurí dales 19:30 a La Val.
I esson dër ion sce i Ves tolesses le tëmp da gní a se ciaré pro!

Microorganisms efetifs
Te n referat a San Ciascian imparon da conësce le monn di microorganisms efetifs
Le Consëi de formaziun Badia inviëia al referat »Microorganisms efetifs«, che vëgn tigní en mertesc ai 29 d’aurí dales 19:30, tla Ciasa J. B. Rinna a San Ciascian. I microorganisms efetifs (EM) é n moscedoz de microorganisms regeneratifs, che á efec positifs te tröc seturs dla vita. Ai vëgn adorá p. ej. tla produziun alimentara y tl’agricoltöra.
Te chësc workshop impararaste da conësce le monn di microorganisms efetifs. Al gnará splighé ci che chisc é, sciöche ai funzionëia, olache ai pó gní adorá y co i realisé instësc. Referënt dla serada é Wilhelm Tinkhauser.

Sëires de nfurmazion y prejentazion dla Lista Unica
La Lista Unica Urtijëi mët a jì doi sëires de nfurmazion cun i candidac jëuni y l candidat ambolt dla Lista Unica
La prima sëira sarà n juebia ai 24 de auril dala 20:30 tla berstot de Andreas Kondrak a Puntives (raion artejanel, Pontives 13).
Duc i jëuni y chi che se sënt mo jëunn ie nviei de cuer.
Na segonda sëira davierta a duta la zitadines y duc i zitadins sarà n mierculdi ai 30 de auril dala 20:00 tla gran sala dla Cësa di Cungresc a Urtijëi.
Te tramedoi ucajions saràl nce zeche da bever y da pesslé y l sarà mesun fé na ciaculeda cun i candidac.

Mostra »Bello Mondo«
L Circolo–Lia Mostra d’Ert nvieia ala mostra »Bello Mondo« de Laura Pan, dai 19 de auril nchin ai 10 de mei tl self dla mostres dla lia
La poetica dl’artista scumëncia cun na tueda identitera tl raion dl Sudtirol, ulache l passà ne n’ie mo nia storia y l’identità à cunotazions etniches. Laura Pan ie sudtiroleja de rujeneda dl’oma taliana, se sënt coche na »zënza ncësa« y ie tresora tl dialogh cun l paesaje per jì a crì liams che possa cunlië si/nosc bujën de tuché leprò nzaul, jan sëura i cunfins dla lerch y dl tëmp ora.
L sentimënt de vester fulestiera ti à dat la sburdla per fé studies nterdisciplineres oradecà.
Cun l titul »Bello Mondo«, sëurantëut dal titul dla poejia de Mariangela Gualtieri, ulëssa l’artista prejenté si pitures, fates ti ultims cin’ ani. La pitura astrata gëura i ujes a d’autri monc per festejé la legrëza dla vita, cun cu­lëures, risses y muvimënt: na criazion y trasfurmazion, tenida fërma sun tëila.
La mostra sarà da udëi nchin ai 10 de mei, merdi – vënderdi: 16:00-19:00, sada y dumënia: 10:00-12:00 y 16:00-19:00. De lunesc iel stlut.
La finissage sarà ai 9 de mei dala 18:00.

Open day per operatores turistics al Museo e a la Cèsa de Papa Luciani
La Fondazion Papa Luciani endreza ai 8 de mé da doman n Open day ai lesc culturèi leé al Beat Jan Paul I e out ai operatores turistics
L program perveit la vijita vidèda al Museo Albino Luciani e a la cèsa olache l Papa Jan Paul I é nasciù, a Canale d’Agordo; light lunch te la storica Bireria Costa e trasferta a la gejia monumentala de Sèn Simon a Vallada Agordina.
Per l secondo an chisc lesc i fèsc pèrt del zir­cuit de la Trentino Guest Card che sporc na entrèda con n gran rebas ai vijitadores di Com­prenjories vejins. Na ocajion per descorir la perferida culturèla de la Fondazion che, tel an del Giubileo, l’à enjignà n volantin informatif dedicà a percorsc per singoi e gropes ai santuaries e lesc tel Trentin e tel Sudtirol che Albino Luciani aea a cher. Se pel i troèr sul sit www.musal.it
Info & prenotazions: Tel. 0437 1948001; E-mail: info@fondazionepapaluciani.com