La Usc di Ladins

»Anché jon a meter sot osservazion chela che l é la costion de la doura de la paroles piutost che de la circon­locuzions verbales te la comunica­zion«. En curt podassane dir: »Ma co rejonone?«.
Anchecondì sention semper più de spes ti descorsc »giri de paroles« che se podessa schivèr zenza ge tor nia a chel che sion do a dir, o adertura paroles falèdes, che muda l segnificat.
Jà del 1965 Italo Calvino aea rejonà de »antilingua« e del 1995 Ornella Castellani Pollidori tel liber »La lingua di plastica« ge dijea »plastismo«, recordan i intervenc chirurgics che slonfa l mus con efec che vèlch outa fèsc aric. Na frasa scempia vegn ciarièda de elemenc che no serf a nia, se no a complichèr i conzec. L medemo mecanism de la burocrazia, che somea pissà a truz percheche se stente a entener.
Vardon la pruma frasa de chest scrit. Semper de più se sent dir »Jon a...« soraldut dai cheghes ti programes de cojina: »ades jon a mescedèr su...«, ma olà, se i à dut lo dedant, no i se mef e no i va proprio nió? (Comentar de Lucia Gross)

De plu tla edizion stampeda de La Usc di Ladins o sun l e-paper a paiament www.lausc.it/e-paper