La Usc di Ladins

Marina, contene vèlch de te…
É inom Marina Suchova. Vegne da Piešťany, na picola zità de la Slovachia. Son ruèda te la Tèlia canche aee 19 egn e da zirca 20 egn me é enciasà a Poza. Son maridèda e é 3 fies.

Te sèl bel chiò te Fascia?
Fascia l é n lech maraveous. L é n teritorie deldut desferent da chel da olache vegne: al post di coi e di bosć de èlbres con foa lèries che se veit dutentorn te la Slovachia, chiò l é crepes unics. Enscin da canche son picola me à semper sapù bel la mont: fèr raides, jir coi schi, fèr ferates. Chiò é troà mi paradis.

Te ès la pascion del yoga: co éla nasciuda?
Fae yoga da zirca 15 egn. Me é arvejinà a chesta disciplina per­cheche aee dolores ai muscoi del col e ge é vardà a vèlch filmat su DVD per me didèr fora. A prate­ghèr duc i dis é vedù che no aee più chisc mèi. Ere ence più chieta e contenta e scomenzèe a aprijièr la picola robes a cheles che dant no ge abadèe: la natura, i fiores, i dis bie e ence chi burc. Aboncont i prumes tempes fèr yoga per me volea dir soraldut fèr na ginastica per me mever fora. (Thomas Zulian)

De plu tla edizion stampeda de La Usc di Ladins o sun l e-paper a paiament www.lausc.it/e-paper