La Usc di Ladins

La sajun de "spartan race" é indô piada ia y al apel ne mancel nia Luca Pescollderungg da La Ila, che á metü a saul dan otedé na devënta importanta. Pro le "Kranjska Gora 2023 Beast" ál taié le travert do 2:06:43 ores, meton sö le miú tëmp dl de. Cun ël sön le podest dui atlec dla Republica Ceca: Jakub Kolar cun 2:09:34 y Petr Vinicky ciun 2:13:21. Danter les gares "spartan" é la "Beast" la plü sfadiosa de dötes: na mesa maratona de 21 km cun 30 ostacui de fadia, ertités che se damana le mascim dla forza y dla condiziun, zënza tralascé demassa la velozité. Al é la secunda "Beast" che l’atlet da La Ila á desfiré en chësc ann. Bele amez aurí âl tut pert ala "Spartan Gubbio 2023", davagnan la medaia d’arjënt do le talian Manuel Moriconi. Do la gara slovena, comentëia Pescollderungg insciö sön so profil Facebook: "Dër n bun test por i campionac europeics, che me dá crëta por les edemes che á da gní!"  (pablo)