La Usc di Ladins

L sport desche motor de vita e esperienzes. L dijon semper, l’età joena del sport cogn esser union e devertiment, amicizia e sozialità, ambizion e traverc. La setemèna passèda aon dat fora la neva del trasferiment, con la sajon che vegn, del portier fascian Lorenzo Crepaz al Alps Ice Academy. Na esperienza fora dal setor di joegn di Falcons te n projet nef e inovatif. E descheche aon dit de el, volon anché ve contèr de n auter jiador fascian che, foradecà, l é do a viver n’esperienza gustegola e emozionanta.

Rejonon amò de n portier, clasc 2006, che chest an l é jit a jièr soraconfin, da l’autra man del ozean Atlantich.

Mattia Bacchini l é ruà defat a Bradford, Ontario, tel Canada. Sul sit ofizièl di Falcons l é vegnù fora na bela intervista al goalie fascian, che l à volù timpruma ge dir n gran develpai a Martin Rabanser per ge aer metù dant chesta proponeta: »El me à metù dant vèlch squadra anter Stac Unii e Canada, e gé tinultima é cernù chesta per l suzes che l’aea abù te la sajon passèda e per l pian de arcedament che la metea dant. 

De più su La Usc stampèda de en vender i 9 de firé.  (Daniele Verran)