La Usc di Ladins

En sabeda ai 17 de firé i picoi atlec de la categories Baby e Cuccioli de la circoscrizion B i à tout pèrt a na garejèda de combi-slalom tel Primier a Sèn Martin che aea valuta per l Trofeo Fabrizio Cerchio del zircuit Dao-Conad. Chesta garejèdes l é semper l’ocajion de se goder sui schi sorafora l resultat agonistich. I era de n bel squadron de 180 atlec e i picoi fascegn se à vadagnà ence chest’outa de bela posizions enceben che l gran ciaut aesse delegà en prescia la neif sul portoi.

Te la categoria Baby de eles l prum post é jit a Sophie Rasom del FassActive e l 3° post a Stefani Bernard del Ski Team Fascia. Al 6° l é amò Maddalena Chenetti del FA, al 12° Carlotta Pollam del STF, al 13° Astrid Sommavilla de la Monti Pallidi e al 14° Maia Pitscheider del FassActive. 

Anter ic l podie é dut fascian: 1° Juri Zorzi de la Monti Pallidi, 2° Kai Panfili e 3° Bernardo Buffatti duc doi del FassActive. 

De più su La Usc stampèda de en vender ai 23 de firé.  (MCI)