La Usc di Ladins

En domenia ai 7 de oril ence la sozietà sportiva Ski Team Fascia, con dut sie gran squadron de atlec, à serà su sia sajon agonistica con la garejèda e la festa sozièla. La giornèda de pien soreie à engaissà n muie de atlec e de compagnadores a jir sun Belvedere, jà da doman prest. Adertura la garejèda é tachèda ite n chèrt de ora inant per schivèr la neif mola, ajache l é stat ciaut via per dut l dì. 

I picoi atlec Pulcini e Superbaby che fèsc brea se à endesfidà sun n percors più curt. 

Duc chenc à garejà e festejà con gaissa e legreza e a la fin, de gra a la colaborazion di Alpins de la Val de Sora, l é stat endrezà la marena sun Pecol vejin al Gran Bar. 

L president Lorenzo Cemin à rengrazià duc chenc per la bela sajon sportiva e i desvalives campions sozièi é stac premié ence dal president de la SITC Daniele Dezulian.

I miores de ogne categoria e desvalives retrac su La Usc stampèda de en vender ai 12 de oril.


 (MCI)