La Usc di Ladins

I Campionac taliegn assoluc de schi alpin no i podea vegnir seré su te na vida miora: la venta tel slalom strent, per l terzo an a do a do, del atlet fascian Stefano Gross ‘Sabo’ che con chesta ultima garejèda à serà su sia cariera agonistica. Dai 2 ai 5 de oril sun Sèn Pelegrin e sun Lujia l FassActive, con la Sozietà Gregn Evenc e l’ApT de Fascia à endrezà con suzes i Campionac taliegn assoluc.
Cater dis de garejèdes che é tachèdes ite en mercol ai 2 con la libera de ic e de eles sul portoi La VolatA, che à vedù venjer Laura Pirovano e Gais Christof Innerhofer. Tedò la Pirovano con n destach de 30 centeisemes, la atleta da Gherdena Nicol Delago e a 71 centeisemes l’autra gherdenera, Sara Thaler, che se à vadagnà l titol juniores.
I cater dis di Campionac taliegn assoluc te Fascia se à serà su con la venta spetacolèra del atlet da Poza Stefano Gross, che tel slalom strent sul portoi Piavac sun Lujia l à podù sbarèr sie ultim colp e ge passèr l testamonech al joen Tommaso Saccardi, ajache duc doi é rué al travert col medemo temp de gara.

Se pel lejer dut su La Usc nr 14 dai 11 de oril: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Monica Cigolla)