La Usc di Ladins

Se fajarà chel noo inpianto, che el moe in Revis, el pasa par Mortija, da ruà de sora de Lazedel, su ra pistes da schie de Socrepes. In An­pezo i à acaro i inpiantistes, a sentì che el Comitato tecnico regio­nale ‘l à dito de scì, par ra Valutazione impatto ambientale de ra Rejon Veneto. Dute chi de el comitato i à dito de scì a r’unanimità par duto el projeto, agnó che ‘l é inze anche chesto inpianto. I à betù śo cuatordesc prescrizios, i à dito chel che ‘l é da fei, par vede chesto inpianto manco che se pó. I à scotà ra oservazios de tropa istituzios, a scomenzà da ra Soprintendenza e da ra Autorità di bacino distrettuale delle Alpi Orien­tali, par precurà el bel de ra val, ra idraulica, ra boes, ma anche par el susuro, el fun, el reśiro, e ‘pò ra be­sties, i selvateghe. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper