La Usc di Ladins

La pruma pèrt regolèra del campionat di Arlieves dai 14 ai 16 egn se à serà su ai 13 de november e tel giron trentin che tol ite la pèrt est de la provinzia, coi raions de Fascia, Fiem, Cembra, Piné e Valsugana, se à metù al luster l livel ezelent di joegn de chesta categoria del Fascia Balon, che i à vent 8 partides sun 9, e de spes con n bel resultat toron, e i à fenì fora al prum post te la classifica. 

Vedù l bon temp de chest uton l é stat dezidù de antizipèr doi partides de la seconda pèrt del campionat e per chest an la endesfides se serarà su, desche per i gregn de la pruma squadra, en domenia ai 27 de november. Endèna aboncont i Arlieves de la squadra fascèna, che tol ite ence i jiadores da Moena, i ge é jic do a la pedies di gregn de la I categoria, ence ic sunsom la classifica.

Na bela sodesfazion per l presidentiscim Walter Ghetta, festejà chisc dis passé per si 75 egn, e per l alenador Paolo Mancini, sie vize Mariano Rasom, l compagnador Pietro Bernard e duc i Arlieves.

De più su La Usc stampèda de vender ai 25 de november.  (Lucia Gross)